有片｜大埔村屋疑有人「踩線搵目標」　被撞破後操普通話大鬧

新界的村屋不時成為爆竊匪的目標，近日亦發生懷疑有人「踩線」的事件！大埔近錦石新邨一帶，日前出現一名行蹤鬼祟的男子，村民「踢爆」後拍片，被男子操普通話大鬧。

操普通話男子向片主：我警告你！

有大埔錦石新邨村民日前在社交平台發文，寫道，「小心騙子問你拿錢。」，並附上一則長約5分鐘的影片。據影片所見，一名身穿黑衣的男子在錦石新邨不停遊蕩，然後片主跟着男子，並不停操普通話、大聲鬧片主，「你不要再跟着我！你拍夠了嗎？」。其後片主回應：「我住喺度架，你理得我」。

黑衣男又叫片主不停拍片，及罵他「你腦子是不是有病？我警告你！」，其間又疑似想動手打人；片主其後亦表示會報警，「睇下差人信你定信我」。影片結束。

影片截圖：

網民：擺明老爆黎踩線

此事傳開後，令不少居民對此表示擔憂，希望警方能加強巡邏，保障社區安全，亦有人指自己也住村屋及曾被盜竊，說這種打扮與賊人非常相似，指有合理懷疑，「我之前住個條村都試過，呢個一定係入黎 踩線跟住爆格！」、「拍片依個做得好啊！我哋以後跟佢依個做法！」、「支持拍片者」、「做得好，無賴就係要咁對付」、「直接報警，叫佢唔好走，等警察嚟，呢輪村屋爆格好勁！ 佢可能嚟踩線都唔定。」、「見疑即報呀，正義街坊」、「報警處理報警處理」、「係咪視察環境探路」、「好大機會係，睇啱就⋯」、「佢哋識搜索村屋揾食架」、「叫佢報警，叫警察嚟做翻譯。」、「而家係趕佢出村，免得佢喺度犯案」、「同佢講，你一係走，我一係報警，睇吓告唔告得入遊蕩罪」、「其實拍片者不如先報警後繼續拍」、「被你識穿了！改變計劃」、「其實佢去邊都唔知，又前又後」、「擺明老爆黎踩線啦」、「多謝提供資訊，以防街坊受騙…」。

遊蕩罪可判監禁6個月

根據香港法例第200章《刑事罪行條例》第160條所示，任何人在公眾地方或建築物的共用部分遊蕩，意圖犯可逮捕的罪行，即屬犯罪，可處第3級罰款及監禁6個月。

而任何人在公眾地方或建築物的共用部分遊蕩，並以任何方式故意妨礙他人使用該公眾地方或該建築物的共用部分，即屬犯罪，一經定罪，可處監禁6個月。

此外，不論單獨或結伴在該處出現，而導致他人合理地擔心本身的安全或利益，即屬犯罪，一經定罪，可處監禁2年。

相關新聞：

有片｜元朗廈村賊人夜潛3小時疑踩線 爆閘遇村民「速速逃」

1個半月涉爆竊香港10垃圾站休息室及工程公司 36歲非華裔男落網

上水劫金舖｜警：賊車兩日前曾到場踩線 所有匪徒均為非華裔男子 (有片)