有片｜大叔爭鮮店內爆粗大鬧更掟錢辱女店員　食客狂轟「影衰香港人」

本地飲食業「好客之道」的廣告深入民心，一句「做多一步，好客之道」令大眾印象深刻，但有些市民卻將服務自己視為「老奉」！日前一間爭鮮壽司店內，有客人爆粗大鬧職員，疑因不問自取店內豉油被阻，其後更掟錢辱女店員。片段其後在網上廣傳。

阿叔不問自取豉油被斥掟錢辱女店員

網上周日（5月11日）晚上，瘋傳一段彩虹坪石邨爭鮮迴轉壽司店的影片，可見一名大叔大鬧，因他不問自取店內豉油被阻。片主指，男子前來買外賣，「阿叔就嫌豉油少得滯，所以自己隨手攞多幾包，問都唔問下，所以店員就當然提點一下」，結果大叔大發雷霆。

影片所見，大叔對著女店員爆粗大罵，「我X你老母！我無錢買嘢啊？無錢食飯啊依家？」。其後大叔越鬧越起勁，一句「X你老母臭X」，又多次將錢掟在枱上。片主表示大叔當時拿一張500元紙幣指要買光所有豉油。大叔之後亦多次做出大力掟錢的動作且不停怒罵：「數啊！再數啊！再數啊！」。

此時，女店員好言相勸欲令大叔冷靜，但大叔仍怒氣沖沖爆粗口，「係啊X你老母啊！係咪無錢食飯？無錢食飯啊依家？」。大叔又指斥，「我嚟買嘢食，攞兩個鼓油，你同我講嘢！」，並望一望枱上的紙幣說，「你同我數！數夠千五蚊鼓油！X你老母！」

影片截圖：

食客狂轟「影衰香港人」

影片內，食客私下對話亦在指責大叔，又表示該大叔欺善怕惡。而另一段影片看到全場食客起哄，一片噓聲，多人以粗口怒轟阿叔：「走啦！」。有女食客大聲怒斥他：「影衰晒啲香港人啊！恰女人！Ｘ街！......公憤，離晒譜啊！影衰晒啲男人。」而面對群情激憤，阿叔竟得戚地舉起雙手，將噓聲視作喝采聲。最後影片完結。

網民：真係好佩服個服務員

事件在在網上引起討論，不少人指責大叔離譜，又指服務員態度良好，非常專業，「指責破口大罵的男人，英勇」、「香港人咁團結」、「真係有錢就唔使食爭先啦」、「掉錢嗰下先黑人憎」、「小朋友記得唔好好似個叔叔咁」、「大快人心」、「結局令人暖心」、「母親節X人老母。」、「好耐無見咁多街坊一齊出聲幫店員」、「根本就係呢個阿叔貪心」、「做服務業真係見好多呢啲」、「今次自己伸手攞豉油，下次就自己伸手攞錢」、「而家啲後生出嚟做服務性行業都好慘，成日都好無理受啲氣」、「又係呢啲年紀阿叔，幾廿歲人都唔化」、「我覺得佢純粹喺度發窮惡」、「如果個店員真係收佢500，比晒d豉油佢，佢會唔會喊架」、「真係好佩服個服務員」、「香港總有見義勇為出手幫助嘅好人！亦佩服店員嘅 EQ」、「又貪小便宜，豉油都唔放過，又唔識禮貌」、「店舖有寫明，員工都係跟規矩做，唔洗下下都問候人娘親」、「其實公眾場所，佢這樣行影響到其他人」。

相關新聞：

有片｜元朗中年漢爆粗大鬧台式飲品店 疑要膠袋不肯加$1 職員態度獲讚

有片｜日本城職員與客人爆口角網片瘋傳　網民力撐一方大讚EQ高！

有片｜萬寧分店客人欲換貨惟單據無效　爆粗大鬧職員網片瘋傳