foodpanda外賣員疑涉黑工被捕　foodpanda：會全力配合調查-東張+

在外賣平台叫外賣遇上「拉黑工」？有市民周一（5月19日）在社交平台表示，在外賣平台foodpanda訂餐時，結果迎來的不是外賣員，而是入境處職員，又指送餐外賣員涉嫌是黑工被捕，而落單的同事更要幫手「落口供」。

事主：foodpanda外賣就係咁消失

事主在事發5月19日在社交平台表示，他當日透過foodpanda向一間韓式餐廳訂餐，惟外賣最終沒有送到。他稱，「點知嚟咗兩位入境處職員，話個外賣員被拉咗，因為（涉嫌）係黑工。個外賣就係咁消失咗。我同事仲要幫手落口供......」。

事主又透露，落口供是入境處職員處理，「想對返個單number，確認我同事係用咗手機係幾時幾日落單，而個黑工又真係接咗單。」據App截圖看到，負責送遞的為一名駕單車的外賣員，該外賣員在下午2時左右取餐，送餐地點是銅鑼灣。

不過，外賣最終沒有送達，疑要做證據所以被充公咗；而其公司的人事部同事亦被嚇親，以為自己公司有黑工。最後事主聯絡6次foodpanda香港要求退款，再周旋方獲同意取消單同退款。

入境處：不排除有更多人被捕

入境處發言人回覆傳媒表示，入境處人員5月19日在銅鑼灣進行反非法勞工行動，並拘捕懷疑非法勞工。有關行動及調查工作仍在進行中，不排除有更多人被捕。

foodpanda：會全力配合有關調查工作

foodpanda香港發言人回覆傳媒表示，已聯絡相關客戶作全額退款，由於事件已進入相關部門的調查階段，故不便作出進一步評論，但會全力配合有關調查工作；公司又重申絕不允許非法或違例工作。