有片慎入 | 黃埔大型日本連鎖折扣店蛋糕貨架 驚現大隻「靚仔米奇」嗅索穿梭

網上FB群組昨日 (5月27日) 流傳一段手機視頻，事發地點相信是黃埔一個大型商場內的一家大型日本連鎖折扣店，其包裝蛋糕貨架上驚現一隻外表相對「靚仔」的大老鼠，期間該老鼠在貨架上嗅索穿梭，令人嘔心。

網民對此論紛紛，不少人留言表示「識食喎！似係食三文魚生大，生得咁靚仔」、「隻老鼠毛髮咁淺色，絕對唔會係坑渠老鼠，我估係食刺身大的…」、「E隻米奇又幾好樣喎，五官端正，相貌堂堂，一定係生長在大富之區，很有食相」、「呢隻又真係幾好樣」、「寵物」、「呢個係商場嘅問題」、「黃埔出名多米奇」、「無處不米奇」、「應該要請貓店長」、「Shopping啫，搵食艱難」、「好恐怖」等。

據了解，食物環境衞生署 (食環署) 負責監管市面出售食物，以確保食物安全、衞生、並適宜供人食用。如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。作出初步調查後，食環署食物監察及管制科會在需要時聯絡投訴人。