本港一間連鎖壽司店近日爆出食安問題。有市民日前光顧大埔一間人氣壽司店時，驚見其中一碟壽司內竟藏有尖銳鐵片。事主起初誤以為是紫菜，幸好在放入口前以手觸碰，才察覺異樣，避免誤吞。她事後驚呼：「如果放入口，脷同喉嚨一定流晒血！」但店員及後冷淡回覆令他大感無奈。
影片截圖：
壽司內藏銀色鋒利鐵片
事主在Facebook群組發帖指，餐點送達時，她初時以為香蔥上的異物是紫菜，豈料用手觸碰後才發現是一塊銀色、尖銳且鋒利的鐵片。她隨即拍攝影片及照片並上載至社交平台，畫面顯示該鐵片極細小，混雜於香蔥之中，若不仔細查看，極易被忽略。
事主與同行人士即時向店員反映情況，惟對方僅詢問是否需要取消訂單或重新製作壽司，未有進一步解釋或跟進安排。事主感到無奈，遂發文提醒其他食客提高警覺，更驚呼：「放入口，脷同喉嚨一定流晒血！」
網民：咁得人驚？
事件曝光後引起網民熱議，不少人關注食物處理安全及店方應對態度，「報食環啦」、「後果可大可小，佢哋有乜回應」、「愈做愈差，仲衰過X鮮同X氣」、「唔係第一次，我都同佢哋員工講過，因為我上次都見到有條好幼銀色鐵絲」、「變鐵火赤蝦壽司」、「我係你就唔再去」、「食左過兩百次未聽同試過」、「各位好彩冇食過唔代表永遠冇事」、「佢地唔知係唔夠人手定廚房馬夫，質素真係差左。」、「老老實實佢真係要正視喎」、「報食環先會令公司感到生意受威脅」、「睇片似錫紙」。