買車厘子慘遇「逼買」事件？著名商台DJ少爺占（甄子康）於7月20日在社交平台發文，分享其在街市購買水果時遇到的困惑，他表示只希望購買一磅，但檔主堅持只售兩磅，事件惹網民熱議，有網民指會否是不良營銷。
被檔主「逼買」$60兩磅
少爺占7月20日於社交平台發文分享事件，他當時問生果檔檔主「車厘子幾錢磅？」，檔主回答「$60兩磅」。少爺占續說，「咁我要一磅，唔該」，但檔主要求他買兩磅，「要兩磅啦！」，少爺占解釋「一個人食唔晒，一磅得啦唔該」。
其後，檔主非常堅持要兩磅起跳，回答道「咁無啦」，少爺占追問「唔可以買一磅㗎？」，但不獲檔主理會，「之後佢冇理我，亦唔肯賣一磅俾我」。
惹網民正反熱議有人提不良營銷
帖文引來網民熱議，有網民批評檔主，認為這是不良營銷手法，亦有人指少爺占小事化大，「人哋都講明$60兩磅，係最低消費，你仲話要一磅，人哋梗係唔蘇你啦」、「有時去街市買餸買生果就係貪彈性，15蚊一斤菜，都可以叫阿姐秤半斤畀你啦，點解60蚊兩磅嘅車厘子，問下能否賣一磅都唔得？」、「店家唔夠轉數快啫」、「唔識做生意」、「最憎呢d迫人買兩磅」、「我之前係街市買菜，阿姐話$6一斤，$10兩斤。我話咁俾一斤我丫唔該。呀姐發脾氣話唔識秤」、「所以買生果我只會去超市 貴d都比，任揀不受氣！」、「街市檔好鐘意恰生面口」、「佢咁標價通常係想2磅咁賣，如你只需要一磅，佢會開高啲價例如40元，不過好明顯佢好堅持」、「細個住上水彩園邨買生果成日比人呃，死死氣比錢唔敢出聲」、「好少事啫，咪去第二檔囉，人地做生意有人地既規定。 」、「係咪促銷手段？」、「其實去街市一定得，唔做浪費鬼」、「商業交易 自由定價」、「係咪不良營銷?」。
香港有不良營商手法條例
根據香港法例第362章《商品說明條例》所示，商戶對消費者作出某些不良營商手法，包括虛假商品說明、誤導性遺漏、具威嚇性的營業行為、餌誘式廣告宣傳、先誘後轉銷售行為及不當地接受付款。《條例》涵蓋貨品及服務，對實體及網上商戶的營業行為同樣適用。違反相關條文的商戶最高可判處監禁5年及罰款50萬元。