近年不少網民透過平台分享過期貨品以免浪費，但近日卻有人惡搞，將葵芳一間嬰兒用品公司放在外的尿片擅自上載網上，聲稱「免費自取」，導致商戶蒙受損失，店方報警。
嬰兒用品公司遭惡搞損約7千元
事發地點為葵芳金龍工業中心3座一間嬰兒用品公司。周六（8月9日）下午5時40分，一名陳姓男子報案，表示在社交媒體見到店舖一批尿片被人擺上網「免費自取」，其後立即趕回舖頭，並發現24箱加大碼尿片不見，損失約7,000港元。
警員接報到場，翻查閉路電視後將案件列作盜竊，追緝一名年約50歲男子。
尿片被擺網上「自取」
據社交平台取組的「自取」帖文可見，該兩板尿片放置在大廈5樓的𨋢口大堂處，帖主在帖文內，聲稱「Pampers 拉拉庫（褲），已到期，有需要自取，星期一會清走。葵涌大連排道金龍工業中心3座5樓大堂」。帖文令許多網民信以為真並前往領取。
店主發現後報警，並在網上發文澄清真相稱「俾人整蠱」，呼籲已取走尿片的網民歸還，目前已成功取回九成貨物；店方又指，「我哋會下次處理好啲存貨」。
事件引網民批評雙方
事件引起大批網民批評指「有人放流料」，亦有人認為店方將貨物放置有公共𨋢口大堂做法不妥，「Post 這個人會不會被人告？」、「警察剛剛話物主俾人偷咗半版貨，攞咗半版貨嗰啲要快啲交返出嚟！」、「流料， 我岩岩去到。店主已報左警」、「拎尿片送手扣呀」、「店主得罪人？」、「間店放出黎阻到人又係衰」、「請問可唔可以，告樓主教唆他人盜竊罪？」、「樓主不誠實使用大腦」、「樓主小心，教唆他人犯罪，犯法架」、「呢個group好多人玩野。放流料。上次已經係美孚幼兒園bb車」、「惡作劇，唔好去，警察已到」、「你一定係經常將d野放喺走廊公眾地方，長期令到其他人受影響，乞人憎到極先比人玩。你要檢討自己，以後要改變下先得」、「吓，原來頭先有人話過期尿片係叔叔架，有人話要成板拎走喎」、「成日放咁揚，真係出事喇」、「乜咁大整蠱啊」、「真係盡入返倉好啲，依家咩人都有，裝幾多cctv都無用。」、「所以，擺貨出去都最好貼張紙，否則好易俾人攞走。」。