受熱帶氣旋「楊柳」影響，本港8月14日早上天氣惡化，多區出現大驟雨及狂風雷暴。天文台於早上7時50分發出黑雨警告，惟因時機接近上班高峰，引起市民不滿。
暴雨｜打工仔再湧天文台FB怒罵「太遲掛黑雨」
由於黑雨警告發出時間接近上班繁忙時段，大批市民未能及時作出應對，不少打工仔及網民湧到天文台Facebook留言批評，指警告發出太遲，未能有效提醒市民避險。
有網民留言：「已經濕晒返到公司」、「早啲掛唔得咩？」、「超前部署呢」、「我已經返工喇唉」、「洗完頭先肯掛黑雨，玩嘢咩？」、「一定係個個份工係附近」、「點解唔早啲掛？ 呢個時間好多人都已經出左門口」、「會唔會掛極端？」、「可以早點部署嗎。這個尷尬返工時間」、「次次都預測唔到」、「玩野,超前部署去左邊」、「出左門掛，返唔返工好」、「去到公司先話掛黑雨」、「紅紅黑 紅紅黑 就係咁簡單」、「成身濕晒咁返工」、「已經超遲部署，又唔講埋至少維持幾時...」、「出晒門口先講」、「要掛八號又可以早幾個鐘通知，黑雨就只可以早八分鐘？係無用心去打呢份工定其實咩都係求求其就算？」、「說好的超前部署呢」。
大暴雨情況：
暴雨｜中西區葵青屯門等錄特大暴雨
據天文台數據，港島中西區錄得特大暴雨，每小時雨量預料超過140毫米；葵青及屯門區亦有大暴雨，雨量達每小時100毫米以上，部分地區有可能出現嚴重水浸。