網上流傳影片，顯示有人乘著單車在行車天橋上行駛，被交通警攔下。不料樓主上載影片後卻被網民反指「八卦」，擋住後車。
樓主在社交平台Facebook上載影片，並稱「你都犀利啦，上高速比阿Sir周到應一應」。
行車天橋上踩單車被交通警攔截
片中顯示，在昨日（8月23日）晚上約9時，於西九龍走廊西近大角咀的一段行車天橋，有人在路面上乘著單車行駛，被駕駛著電單車的交通警攔下。單車上人士遭攔截後，狀甚冷靜，仍貌似氣定神閒地行駛。
網民：睇人X街份外興奮
影片引起網民熱議，網民表示「好有吉士呀！呀sir招呼你」、「睇人X街份外興奮」、「我期待的畫面，終於出現了！」，有人則認為「要收佢部車再加罰單」。
有網民疑惑單車上人士被攔截為何不掉頭，指「調頭走啦！仲去比人拉」，有人則笑言「如果佢調頭踩返落大角咀，隻鐵馬又逆線追會好睇好多」、「仲唔逆線走行人路，再入後巷，無得輸，我睇得車手多」。
有網民不滿樓主因「八卦」減速：關你X事咩
另有網民則不滿樓主因「八卦」減速，可能擋住後車，表示「關你X事咩，無啦啦右線收哂油，同dX街睇撞車一樣成日都有8掛龍」、「比油行啦！！頂X住曬後邊D車，關你右線咩事姐」。