網上瘋傳一段影片，顯示4名年少男女晚間在街頭遊走，當中一名少年不斷嘗試拉開停泊路邊車輛的車門，其後少女亦加入拉車門。
4名年少男女 觀塘街頭「逐㗎車開吓」
樓主在社交平台Facebook發帖，並附上影片，顯示在8月24日晚上9時許，年少的3女1男接近其座駕，該名少年向一排停泊在街邊的汽車下手，不斷伸手嘗試拉開車輛的車門，其後一名少女也出手拉車門。帖文亦附有圖片，見到接近樓主座駕的4人。
樓主表示事發於觀塘安秀道，並指「逐㗎車開吓門，唔知咩事」。
網民推測「梗係想撻野啦」 勸車主報警
影片引起網民熱議，不少人推測4人是想偷東西，表示「梗係想撻野啦」、「好明顯想睇吓邊架車冇鎖啦之後就，自己諗」、「搏有人無鎖門」、「擺明想老爆～」、「爆格囉」。
有網民分享指「我住荃灣，今日出車個時啲管理員都提我一定要鎖好門，最近勁多呢啲X街想偷野，早幾個月早我隔離部車就中左招」。
許多網民則認為樓主應報警，表示「報個警先」、「可以報警，懷疑有人想偷車」、「已經可以報警，等佢同警察解釋」、「請報警」、「報警啦，干擾汽車」。
相關新聞：
荃灣4青年「膽大包天」偷揸綠Van 最終跌落坑渠落荒而逃 (有圖)