外地不少餐廳如日本、台灣等，都提倡自行歸還餐盤予餐廳職員，近日有港男在網上發帖文表示，籲食客「自行歸還餐盤」，但引起網民正反熱議，甚至有人指港男是搶工作。
港男快餐店用膳後籲食客「自行歸還餐盤」
男子在社交平台發帖文寫道，「希望大家都可以好似我咁，有啲公德心，食完之後將個餐盤歸還」。他又同時上載一段影片，可見他在進食後將餐盤放到快餐店的垃圾箱上，然後離開。
影片截圖：
網民正反熱議反鬧港男
事件在網上惹起熱議，正反兩方均有人支持，有人反鬧港男搶工作，有人指港男這樣會加重職員負擔，亦有人認為出於好心的行為，不用太苛刻留言，「你估快餐店請清潔工返嚟做咩？」、「以為自己食緊丸龜？以前十幾歲返過part time，真係最憎見到呢啲 要人返頭執，個個都好似你咁堆晒係嗰度，成件事仲核突過放係枱面唔執」、「唔執好過執」、「曾經試過清潔工叫我唔好執，因為我執咗，佢哋就無嘢做，俾經理見到覺得佢哋好得閒」、「人手點餐少左之後，送餐同執盤係d老人職員唯一嘅工作，唔好好心做壞事」、「點解唔將啲嘢分類倒落個垃圾箱，唔抹埋個盤，冇公德心呀你」、「你放個盤喺頂唔清啲垃圾都係冇分別」、「自己拿食物與收拾食過的本來就是快餐店的傳統文化，只是現代人不懂得。」、「唔執就代表冇公德心咩」、「有一排有啲分店推自己回盤～可以做嘅，但 bugs 位係，冇人抹枱衛生差左！」、「最好就掉埋垃圾啦」、「其實幫人執枱唔會搞到人冇咗份工，啲人咩事」、「其實我覺得將啲垃圾擺喺個盤裏面已經好有公德心」、「本身d盤可能都會有清潔姐姐噴兩下消毒酒精」、「又多一人失業」、「你執曬，人地企係度無野做遲早被人炒，依家失業率上緊去，你唔係又想搞到多喲人失業吧？」、「成日見到喲搶道德高地既真係頭都痛」、「所以而家樓主就用自己嘅＂公德心＂去＂道德挷架＂人囉」、「其實你咁將成個盤放喺垃圾桶上面真係幾衰，你一係就倒埋啲垃圾落垃圾桶」、「垃圾要放入垃圾桶，張枱都要抹抹先好走，重要睇睇個地下有無跌野」。