周一（9月1日）為開學日，意味暑期已過去，亦是新一學年的開始，但學生及家長的「精神狀態」亦較敏感。最新有網民在網交平台發帖文，指屯馬綫上有一名大媽在車廂發狂喪鬧中學生。
屯馬綫大媽帶細路硬攝4人位
據社交平台帖文所示，今早開學日上午，屯馬綫地鐵有一名大媽帶着一名約幼稚園或小一年齡的小朋友，夾硬攝入一排4人座位，慘變5個人逼埋坐。片主在帖文形容，大媽無故發難，「話隔離個中學生擠到佢個小朋友，叫人收埋隻腳」。
帖主又發一則影片，可以聽見大媽不停與該中學生以普通話爭吵，大媽不停重覆「那有甚麼錯？」，至於中學生則回應「這是4人座，你可以讓小孩坐你腿上，但不可以擠」。而該小朋友則坐在位置上只顧自己玩電話。
影片截圖：
大媽「惡人先告狀」
片主形容大媽「惡人先告狀」，「本身個位就係設計坐4個㗎嘛，你自己要攝入去仲要惡人先告狀？之後仲要人身攻擊個學生，話人好肥、冇禮貌。最後中學生不敵大媽攻擊而哭，幸得一名勇敢的香港女生出口，「（女仔）用廣東話出聲幫口話個大媽！點知個大媽仲要扮聽唔明廣東話，個女生直接串返『呢度係香港，我講廣東話好正常』！」
網民斥大媽可惡！
影片在網上流傳後，引起不少人怒斥大媽可惡，又指這種大媽「她難搞」，也有不少人好奇中學生的流利普通話，「真係唔係好明點解班人咁鐘意坐….有手有腳係咪唔識企」、「佢地日日地鐵都玩爭櫈仔咁，仲要成個屎忽坐埋黎逼開你」、「佢地見有少少空位，就覺得你坐唔哂張櫈=佢地可以攝黎迫住坐」、「」、「我唔係歧視大陸人，但係我想問本地學生啲普通話真係有咁好嘅咩？」、「呢啲大媽見一個X一個，千祈唔好口軟」、「成個車咁多人，得一個人幫個男仔?」、「痴線女人，公審又如何？洗咩同佢客氣！」、「幫口男仔值得讚揚!」、「佢就係想鬧走人然後自己坐，佢個細路工具嚟咋」、「他們的長輩畀人剝奪咗好多應該有嘅嘢，所以又細到大都會灌輸咗畀小朋友及下一代一個錯誤嘅思維。覺得唔爭就會冇飯食嘅思維。但個思維就越走越歪。」、「見到有位都廢事坐」、「呢種大媽又真係好乞人憎」、「個小學生神級示範，你地有你哋argue，我有我睇片之天地」、「呢D唔鬧唔得。不知所謂」、「佢哋最厲害就係唔要面」、「大媽強詞奪理，聽到把聲都好煩！」、「點解周邊既香港人唔幫口？由得佢鬧個中學生？」、「下次坐輪椅咪得囉，唔驚同人迫」。