尖沙咀K11商場懷疑發生店舖盜竊案，一名口罩男晚上疑似偷取K11店鋪收銀機內的現金，全程被拍下有人發帖冀網民幫手緝兇。
店鋪方面其後在網上社交平台發帖，帖主指出「聽講大數據可以尋親，如果尋兇，想問又得唔得？事情係咁樣的 今日（1/9）K11店，同事返工時發現收銀機內唔見晒現金，再三睇返CCTV，見到原來琴晚（31/8）10:44pm有一名可疑男子，帶住cap帽口罩，喺店舖門口盤旋，之後開門行入去，翻抄櫃桶後搵到鎖匙後離開，過咗1分鐘，10:45pm再行入店舖，打開收銀機將所有現金收落褲袋 (啊，有留返啲散銀俾我) 之後離開，就係咁樣，神不知鬼不覺偷咗錢，被偷竊金額，$1420 $1420，對於一個成年人，有手有腳，最低工資時薪$42.1，返四日工已經有，但係佢選擇唔係腳踏實地工作，而係盜竊 $1420，老實講唔係話好多，但係$1420比呢啲人偷咗，一蚊都嫌多，再發現，原來同一日都有另一間店舖被盜竊，應該就係同一個人，亦似係一個慣犯嘅存在，可能你係香港生存困難，但係我都想講香港做生意都困難，我哋努力生存，因為我哋唔淨只係養活自己，仲有工場同舖頭所有嘅同事，但係你就選擇用咁嘅方法去「搵」錢，唔好意思，我覺得係冇藉口，唔可以容忍，亦唔想再有受害者」。
警方指出，本周一（9月1日）下午5時19分，接獲商場保安報案，指場內一間店舖被偷走了1420元、一個袋及一條鎖匙，案件列「盜竊」處理，交由油尖警區刑事調查隊第3隊跟進。
警方正追緝一名男子，身高約1.7米。據悉，店員周日收工時沒有發現有東西不見，至周一11時開工時，發現收銀機內的現金不見了，翻查閉路電視後，發現晚上10時許，一名戴黑帽及口罩男子，入店內取走鎖匙，再以鎖匙打開收銀機。