在公眾地方大聲播歌，會對其他人構成滋擾，日前有網民表示，乘坐港鐵港島綫時，遇到一名阿婆在車廂內大聲播片，經提點後非但沒有降低聲量，而是繼續大聲滋擾，更爆粗辱罵乘客。
阿婆大聲播歌仲爆粗辱罵乘客
網上社交平台周二（9月2日）流傳一則帖文，附有全長約2分鐘的影片。帖主表示，當日9時許乘坐港島綫由銅鑼灣到金鐘方向，一位阿婆的手機聲量太大，甚至隔住耳筒都能聽到她播放的短片音樂，故作出提醒，但之後阿婆更特意調高聲量到最大聲，並以粗言穢語辱罵。
據影片所見，阿婆樣子兇神惡煞，又對事主呼呼喝喝，不時形容她是富婆，又指自己有錢，能付「5千元」，當中又夾雜多句包括女性性器官及人身攻擊的粗言穢語，「X你老母X」、「你唔使做嘛，搵男人X你個X咪好囉」等字句。
影片截圖：
網民：又一個倚老賣老例子
影片引起不少網民批評該名阿婆，指她倚老賣老，又沒有禮貌，亦有人指現在的老人家品格不如舊時，「點解啲老人家咁中意羞辱女性」、「從心理學角度來看， 一個阿婆經常將女性性器官掛係嘴邊， 辱罵年輕女性， 好有可能係有心理問題」、「佢以為咁樣講人地就會嬲，佢地太睇小現今既年輕人」、「城市需要你這樣勇敢出聲的人，現時實在被影片黨吵得太亂七八糟了。」、「又一個似老賣老嘅婆」、「點解佢把口可以咁賤」、「$2應設立品格審查，唔符合者要比全費」、「人人都會老，但要警惕自己唔好廢，廢老日常生活，爭關愛座，開大手機聲浪，唔排隊，隨地吐痰，亂過馬路。」、「最無奈嘅情況係得你一個單打獨鬥時，其他人完全置身事外」、「真係唔明點解冇廣播，根本一入站就要播，好過播埋啲咩電梯左右企定」、「麻煩搵佢嘅屋企人帶返佢走，唔好俾呢啲老畜生騷擾市民」、「公共交通工具講粗口好似都要罰錢架」、「每日返工放工都會遇到呢啲廢人，完全唔明帶個 earphone 有幾難…??」、「地鐵唔係唔可以講粗口咩」、「仲有開speaker大大聲講電話個啲，全車人都聽到佢地對話」、「每次見到呢啲廢老，都會提醒自己老咗唔好做廢老。」。
港鐵製造滋擾可被罰款
根據香港法例第556B章第24條《香港鐵路附例》所示，在港鐵範圍內使用手機播放電影引起嘈音，可能被視為「製造滋擾」行為，違反第24(1)(c)條，禁止「以任何方式製造噪音，干擾他人」。違例者可被罰款最高港幣5,000元。