元朗日前有野豬出沒！「東張+」於社交平台發現影片，有網民指在元朗乘坐輕鐵時，巧遇一隻小野豬誤闖輕鐵路軌，期間有警察提醒，呼籲乘客小心。事件引起網民熱議。
元朗野豬誤闖輕鐵路軌
帖主在社交平台發文，指自己在元朗站乘輕鐵時遇上野豬，並發影片寫道，「諗住去搭輕鐵，點知係元朗站見到野豬」，又標記「元朗野豬；野豬都想搭輕鐵」。
車長廣播籲乘客小心野豬
據他上載的影片可見，一隻野豬在輕鐵路軌上行走，有警察用電筒照着野豬引領離開，亦有警察聲音提醒：「睇住，落車嘅乘客睇住，橫過路軌嘅乘客睇住。」而眾人亦未見驚嚇或騷擾野豬。
影片截圖：
網民憂野豬被捕殺
該影片及帖文在社交平台廣傳，有人擔憂野豬下場，怕牠會被捕殺，亦有人指很少見大西北有野豬蹤影，「野豬快走，香港人很可怕」、「港島區見得多，大西北見到野豬真係第一次」、「可憐嘅野豬，已經諗到佢嘅下場」、「願豬豬平安」、「月台呀姐：野豬單卡 請先讓乘客落車多謝合作」、「豬豬輕鐵買少見少了」、「屯門牛vs元朗豬」、「自從有野豬襲擊我哋偉大嘅長官後，市區出現嘅野豬都係即捕即殺... 睇嚟都係凶多吉少」、「仲要喺元朗，隨時畀人捉入圍村溶咗都似」、「睇豬，坐車乘客睇豬」、「佢應該冇錢買飛，唯有行路」、「已經俾警察包圍，兇多吉少」、「豬仔做乜睇唔開，呢度好危險速逃」、「野豬心諗：點解咁多野人喺度嘅？」、「睇豬呀，讓豬過先」、「希望唔好殺豬豬」、「唔好攪野豬啦，明明蛇先係最影響人」。