不少市民出入靠巴士代步，而「東張+」記者近日留意到，本港網絡近日瘋傳一段車廂衝突影片，影片拍攝於城巴B3A線特別班次，當日由深圳灣口岸開往富泰邨，車上大批乘客疑因未按落車鐘，導致巴士「飛站」未停富泰邨，原車折返深圳灣，引起乘客不滿。
城巴操普通話乘客大鬧車長
影片長約3分鐘，拍攝當時司機正駕駛途中，乘客紛紛圍向司機質問。有人以普通話咆哮：「我們坐了兩年了！你第一次啊？開回去！多少人投訴你，夠不夠讓你下崗啊！」亦有女乘客以廣東話怒斥：「你唔知你開呢班車？你唔開返去，我今日投訴定你！」司機則冷靜回應：「我都唔知㗎，我第一次開呢班車，又無人撳鐘喎。」
爭執期間，多名乘客質疑司機不熟悉路線，有人批評：「你開呢架車，點解唔清楚？」亦有乘客指責司機「唔道德」，揚言集體舉報。司機多次解釋：「巴士落車要撳鐘，無人撳我咪照行囉。」
其中一名女子以略帶鄉音的廣東話反問：「做咩我哋要撳鐘呢？我撳鐘做咩嘢呢？」隨後轉用普通話嘲諷：「終點站就是富泰，你跟我說要按鐘下車？好好笑哦。」司機則回應：「巴士係咁㗎嘛。」最終，司機為安撫乘客情緒，選擇「兜一圈」折返富泰邨站，事件才告平息。
影片截圖：
網民撐車長：無人襟鐘係自己申請
不少網民看片後認為是一眾乘客無理取鬧，亦有人擔心車長受罰，也有不少人認為乘客們不「按鐘」當然沒得下車，認為是他們自己問題，「無論原因為何，駛唔駛咁惡鬧人」、「班大學生冇睇清楚條文就係度嘈。」、「成班車咁X多人要落車，但無一個人襟鐘，自己申請」、「B3A返學日有特別班次只往富泰，但係而家係暑假呀大姐，唔係咩叫返學日特班」、「無人禁鐘，即係無人落車，又無人要上車 ，巴士司機又好似無錯WO」、「返大陸搭公交車都要噤鐘先有得落車架啦…唔想噤鐘仔搭地鐵/輕鐵/西鐵….站站停俾你添…」、「【在香港】落車要襟鐘是常識吧！成班人冇常識！」、「成班天龍人磚才落車唔撳鐘，好似老馮要停比佢哋咁」、「我係司機就直接停低報警算啦，有人影響我開車」、「我擔心車長受罰多D」、「同公司投訴一件事，干擾司機駕駛又是違法的一件事」、「聽佢地口音就知咩料啦，司機應該停埋一邊報警唔舒服」、「全部人都去嶺南大學，但全部人都唔按鐘，有冇咁神奇」、「司機嚴格嚟講佢態度唔係差，你可以話佢行錯路，但係唔應該圍住咁樣鬧」、「黎香港讀書就要跟返香港規矩！」、「大聲就得咩？？？？唔明咁勞氣做乜」、「去得嶺南大學，應該都係去返學啫，喺度大吵大鬧真係成何體統」、「嘈咁耐，倒不如快手過對面馬路搭返回頭車」、「乜嶺南大學係咁樣教你哋㗎？！」。