港鐵車廂內設有不少座位，以供乘客使用，但近日「東張+」發現，有網上影片拍得一位外籍人士「勁無公德心」，公然在一排車廂的座位上躺着睡覺，引起網上批評及熱議。
外籍人士瞓車廂座位仲着鞋棟起腳
據網上影片所見，一名外籍人士當時正在乘坐港鐵市區線的列車，惟他並沒有正常乘坐，而是整個人躺於座位玩手機，一個人霸佔3個座位；該外籍人士甚至穿着鞋，將雙腳棟起踩於玻璃上，欠缺公德心。影片到此完結，未知拍攝時間。
網民批「糟糕骯髒」
這則欠缺公德心的影片在網上社交平台流傳，不少網民批評外籍人士的行為，有人直斥沒有質素，亦有人指應該要被罰錢以示警告，「太糟糕和骯髒的習慣」、「點解港鐵唔罰佢錢」、「其實人的品行問題無分國籍架啦。」、「飲醉酒？」、「這年青是否身體不適，尋找救援電話呢？」、「尾班車冇人搭都唔得咁」、「這種坐姿方式，有一些很不規律的坐法，沒有功德教養」、「老外都係有好多衰格人」、「咁樣攤喺張櫈度瞓當正自己屋企呀？」、「MTR D職員呢?」、「你係佢個頭上面放個屁，佢會即時彈起身」、「之前啲正義嘅香港人去咗邊？」、「叫職員，話有人唔舒服訓低左」、「呢啲人真係好乞人憎，成日當正地鐵係自己屋企咁！」、「雖然車廂唔多人，但系佢好似將地鐵當做屋企張床咁瞓，對鞋又踩住人哋會挨既玻璃度又真係影響觀感。呢個鬼佬品行認真麻麻地」、「今日香港，無奇不有」、「這類人要不要罰金」、「建議公車如用橫位設計應該加建扶手來間隔，以免啲衰人當作睡床訓覺！」、「你坐埋去佢自己識坐番正架啦」、「外國啲地鐵經常出現，係啲所謂香港人大驚小怪」。