國泰一班航班日前出現一位「唔合作」普通話大媽！旅遊達人項明生日前搭乘國泰CX986航班，由香港飛往成都天府機場，竟在三萬呎高空遇上一場「人神共憤」的奇遇，並在社交平台發文並上載影片，直言：「千古未見的奇葩乘客，令我大開眼界，嘆為觀止。」
大媽死攬買餸袋唔肯放行李櫃
事件主角是一位操普通話、皮膚黝黑的大媽，坐在緊急出口位置。起飛前例行安全檢查時，她堅拒將手袋放上行李櫃，儘管旁邊就是逃生門，安全要求極高。當時，一名外籍空少嘗試勸說未果，隨即召來另一位香港空少以普通話解釋，但師奶依然「死死攬住」手袋。最終，五名空服員包括空姐、空少及座艙經理輪番上陣，耐心勸導，才成功將手袋放上行李櫃。不過，原來「死攬住」的只是一個普通買餸膠袋。
其後空姐再發現大媽腳邊還有一個保溫壺，並要求她放入前方雜誌籃，大媽再度拒絕，要求空姐代勞，惟空姐堅持這是私人物品，需自行處理，最終她才鬆開安全帶親手放好。
影片截圖：
大媽落機方當場享用飛機餐
再到午餐時間，大媽點了雞肉飯但未進食，反而要求空姐提供膠袋，要將飯盒、雪糕、生果「打包帶走」。飛機開始下降，空姐忙於工作未能理會，她便高聲喊：「我要打包啊，我的塑料袋在哪裏？」
落機時，空服員將打包好的餐點及手袋交還，大媽卻不動如山；而當眾人離開時，她竟打開膠袋，當場拆餐具、享用飛機餐，令空少目瞪口呆。影片完結。
網民：呢個客尊重機組人員
帖文引起網民熱議，網民紛紛留言表達對服務業人員的關愛，亦有人指大媽非常沒禮貌，「呢個客尊重機組人員，你唔需要將佢個樣打格仔，等佢醜出全世界」、「出口位，航空公司執得比較緊」、「在起飛降落時需要放上去。起飛之後，乘客可以拿下來，直到降落檢查的時候再放上去。」、「聽聞，響大6 D空少空姐對付D麻煩客係零容忍」、「都唔係而家先發生嘅事了」、「N年前香港多咗好多暴發戶，喺飛機上show off自己係老世，當空中服務員“妹仔”，大聲呼喝，冇禮貌等等惡行...」、「身邊站了咁多人等落機，她都可以若無其事，面皮真夠厚。」、「餐具都可以打包？」、「這種“全程任食”的心態亦非普遍」、「睇完文字版，估唔到仲有片，香港乜都有」、「如果佢喺Air Canada 咁玩，肯定會比人趕出機。」、「自從得到精神病，佢個人都精神好多了」、「不正常的環境下孕育出不正常的人」、「我估計飛機飛緊佢唔敢食，所以飛機著陸咗佢就敢食」、「使乜打格仔，比大家睇吓佢副尊容囉」、「其實呢位大媽自己內心都幾辛苦，想用性格反常，佢想唔守規則，累人唔到反害到自己。」、「哇，睇吓睇吓你的影片，好似真係聞到一陣飛機餐味」。