有港女與友人到深水埗知名大排檔吃晚飯，叫了馳名的黑椒薯仔牛柳粒，加大版要價400元，卻發現菜式中有九成都是薯仔，到網上發文大呻。
有港女在社交平台Threads發文，分享在大牌檔用餐的中伏經驗。
菜式中只見數顆牛柳粒 而薯仔粒堆積如山
從帖文中的相片可見，該店的黑椒薯仔牛柳粒中，薯仔粒堆積如山，而菜式表面只見到數顆牛柳粒。
樓主指友人太喜歡吃該店的黑椒薯仔牛柳粒，故此「嗌咗碟大嘅」，但她則覺得非常不值，表示「cXs，四百幾蚊9成薯仔」。
網民：四百幾蚊食薯仔山
帖文引來網民熱議，有網民驚訝稱「碟牛柳粒要4百幾！？」，有人則回應「係碟薯仔要四百幾」，亦有網民表示「大癲4百幾！？黑毛和牛定松阪牛？」、「四百幾蚊食薯仔山」、「但係其他菜色，好似又正正常常喎」。
有網民反指：薯仔先係主角
有網民卻反指「薯仔先係主角，正如芋頭南乳炆扣肉，芋頭先係主角」、「薯仔先係重點」、「薯仔先最X好食」、「薯仔入味的話，好食過牛肉」、「薯仔先係精髓」，更有人表示 「個薯仔牛柳粒係食薯仔，牛柳粒炒完其實可以dum咗佢」。
有網民則笑言「佢竟然溝咗牛柳粒畀你，冇陰功」。
有人認為錯在「加大」
不過，有人認為今次事件是錯在「加大」，認為樓主應叫多一碟正常份量，也抵食過「加大」，指「叫幾多碟上幾多碟最實際」、「食中菜一定唔可以叫加大，永遠叫例牌，唔好畀侍應講兩句話：『你哋咁多人唔夠食㗎』就加大」。
Credit: Threads @why__u_
相關新聞：
食私房菜一人帳單$1746 獅頭魚一碟$1280 菜式稱「失傳」掀熱議
荃新天地韓燒餐廳老鼠出沒走上桌 米奇爬來爬去勁恐怖 嚇到片主爆曬粗