網上流傳相片，顯示在金鐘站發現一個小籠包離奇被放置在欄杆上，引來網民熱議。
港鐵金鐘站欄杆上被放置一個小籠包
有網民在社交平台Threads發文，表示「咁大件事冇人講，點解欄杆上面會有個小籠包？」。
從樓主附上的相片可見，在金鐘站一處扶手電梯前，有一個小籠包被放置在欄杆上，當時有不少乘客排隊乘搭扶手電梯，但似乎無人特別注意小籠包。
樓主在稍後時間重回金鐘站，發現欄杆上的小籠包已消失不見，笑稱「小籠包俾有需要人士領養咗了」。
網民笑言：欄上的包兒
相片引起網民熱議，許多網民說笑指自己想食，或稱想領回小籠包，表示「好肚餓，仲喺度？下站到金鐘」、「唔好問，趁熱食」、「唔好意思，我諗住收工宵夜嗰陣拎返，唔該唔好拎走，今個月得呢餐有肉」、「今日跌咗，搵咗好耐搵唔到嚇死我，依家飛緊的去拎番，好人一生平安」。
亦有網民笑言「欄上的包兒」、「小籠包啫？如果欄杆上有小龍女才報啦」、「佢可能蕩失路，唔識轉車」、「領養代替購買，好好對佢，佢下半世靠你」、「邊個咁狠心遺棄小籠包，仲要放到咁穩陣」、「宣揚香港點心之都」。
網民猜測小籠包被在欄杆上原因
另有網民打趣地猜測小籠包被放置在欄杆上的原因，表示「碰瓷嘅一種，整到爆汁就要賠錢」、「仲未點醋所以冇人食」、「裏面有湯太熱，要擺喺欄杆度攤凍啲」、「社會測驗，睇下邊個會食咗佢」。
網民分享同類經歷
另有網民分享自己在街上欄杆見到食物的經歷，指「最近我都喺銅鑼灣見到類似既畫面」，並附上相片，顯示一個蛋糕被放在欄杆上。
相關新聞：
東張西望｜乘網約車遺電話司機拒交還 事主質疑平台包庇 警列盜竊案處理
油麻地站出現「搞笑失物」竟為蛋撻一隻 市民網上發帖尋物主：邊個跌咗？
50歲男旅客尖沙咀按摩店遺40萬「全球唯一」LV錶 一男子涉冒領被捕
港男搭小巴跌銀包 醒目港媽拾獲後用轉數快尋失主 被大讚聰明高質素
主題公園水上樂園「尷尬失物」無人認領 隱形胸圍貼牆成全場焦點