本港有不少人居住於公屋，而近年政府致力打擊收回公屋，有人更因此被收回單位。近日網上瘋傳一張告示，疑有的士司機在家門前貼告示提房署職員，惹起熱議。
網上有人發帖文並附上照片寫道，「365日都揸車？冇一日喺屋企？」。該張張貼於閘門前的告示寫有「致房屋署家訪職員：此單位住戶即本人是一位特更的士司機，工作時間非常之長，而且時間不穩定，近日鄰居告知本人有房署人員來家訪無人應門，如果你們再來家訪都無人煩請在信箱留下聯絡方法，本人定當盡快回覆，謝謝。」，發帖者指應該是提醒房署職員。
網民：通知你就唔係突擊檢查啦
事件引起不少網民討論，有人笑稱的士司機是否「身有屎」，亦有人指解釋即掩飾，「揸特更日做16個鐘，月搵十萬up住得公屋？」、「呢位的士大哥，每日出入所住大厦升降機，向cctv打個招呼就得喇!」、「鄰居就見到你, 查房既就見唔到,BTW 的士佬有無過到收入?」、「報稅先啦司機」、「通知你就唔係突擊檢查啦」、「你記得你有的士牌，租車證明」、「咁樣都可以作伸辯理由？
首先叫稅局查下佢有冇報税，然後睇下佢資產及收入有冇超額」、「聽講話揸的士，一日二千幾蚊收入喎」、「第一次見渣的士渣到屋企都唔番，要約一日屋企先見到人」、「房署應該交俾税局跟進」、「寫張字諗住過到骨，等比房署收屋喇」、「做啲瘋狂行為，等全屋苑保安認得你，幫你做證。」、「記低你個水錶，就知你成個月都唔沖涼添」、「咁樣應該係富戶，要入息審查，搵埋稅局查吓」、「真係如佢所講嘅話應該搵唔少，稅局同房署係咪要做返啲嘢」、「個個都咁寫張野就過骨，咁唔洗查啦！」、「解釋即係掩飾」。