港鐵人多擠逼，難免會不小心發生碰撞。日前網上流傳影片，港鐵觀塘線一對男女乘客疑因誤踩而引起一場激烈互罵，雙方唇槍舌劍，粗口橫飛，拍片者更以多角度拍攝直擊畫面，引起網上多方討論。
港鐵男女乘客疑因誤踩引激烈互罵
據影片所見，片段拍攝於港鐵觀塘線一列車廂內，惟拍片者未有說明拍攝日期。影片內，一名坐在座位的女生與一名男士疑因誤踩而引起互罵，雙方不停爆粗對罵。
影片中，女生不停罵男士，指他踩到人沒有道歉，「你擘大眼講大話」，男士說：「你嘈乜X嘢？收嗲啦你」；男生又指女生「兇他」，女生則反駁當然要「兇」，以免他再踩到自己。
影片截圖：
拍片者多角度拍攝獲大讚
其間，列車到達牛頭角站，拍攝者一度行出車門，再兜入另一位置再拍攝，獲得網民大讚。最後，拍攝者及坐一旁的大叔亦開聲勸交，「小事姐，大家收聲啦大家收聲啦。」、「退一步海闊天空，退一步海闊天空，唔好嘈交」。影片完結。
網民力撐女生反鬧勸交者
事件引起網民討論，不少人力撐女生，又反鬧勸交者，認為大事化小是不好行為，「講啲咩退一步海闊天空嗰啲我會仲嬲，講得咁口響，你過嚟俾我踩返腳先」、「我撐條女」、「金句：踩到人道歉基本態度，唔X識幾廿歲人，投過胎啦！」、「你哋唔撐個女仔，又唔勸個亞叔講對唔住都算，竟然要受害人海濶天空，你哋都幾賤格」、「嗰女仔鬧人得嚟好有邏輯 respect」、「呢個女仔好值得學習，講真好多人見到係女士就覺得好好蝦，試下個呀叔踩到男士被人X會唔會咁多嗲」、「和事佬試下企喺佢後面，等佢大大力退後一步睇下仲係哋海闊天空。」、「踩到人係要道歉咖喔，成班佬唔幫有道理嗰邊仲想河蟹人，咩道理？一句道歉好令你無面咩大叔？」、「其實條女轉數同口才都幾好，粗口同批評行雲流水」、「個女嘅鬧得温柔中不失霸氣，型爆」、「Cam man 好敬業樂業」、「cameraman 識轉卡真係好堅」、「呢個女仔真係有邏輯又有道理，駁到個阿叔冇聲出」、「做乜野要海闊天空，唔叫個阿叔快D講句唔好意思快d完左件事佢」、「首先，我支持個女仔係應該出聲，道理真係喺佢度。」、「學到野，有時真係要出聲爆seed！踩到人講句對唔住好難咩？」。