位於旺角信和中心、主打訂購日版玩具及模型的店舖「LuLu Toys」，近日疑似突然結業，引起多名顧客不滿。有苦主在社交平台發文指，曾向店方支付訂金預購模型，惟貨品遲遲未到，店方亦拒絕退款，現時更失去聯絡，懷疑遭「走數」。
多名苦主稱店主「走數」兼失訂金
多名顧客在模型相關群組分享經歷，表示早前已向「LuLu Toys」支付訂金，預訂日版模型，但一直未能取貨。期間曾多次向店方追問進度，對方僅以「啲貨未返」作回應，拖延交貨。
據悉，當顧客要求退回訂金時，店方亦未有正面處理。至近日再以手機短訊聯絡，已無人回覆，令顧客感到無奈；有人亦在網上貼出店舖現時情況，可見舖面已被商場收回。
網民呼籲提高警覺
事件在網上引起關注，不少人質疑店方處理手法不當，亦有網民呼籲其他顧客提高警覺，避免再有類似情況發生，「之前訂盒魂限模型有過唔係咁好嘅經驗，本身話第一批次，點知拖到下一批次，仲要魂展不斷拖，最後變退款」、「無限拖」、「無貨派，拖字訣，隔幾個月唔知邊度搵盒勁殘嘅俾你」、「我訂左幪面超人shf gatack ，都仲未收貨，次次追都話就快到….」、「我都訂咗貨好耐，之前都一直有派貨，但始終有幾樣貨重未俾到我。」、「之前訂左盒龍珠卡，等左兩個幾三個月都冇貨。最後退左錢。」、「驚嘅去大間連鎖店訂或買, 很多人都貪平果少少！其實自食其果無得怨人！」、「門牌都冇左」、「有4樣野訂金係佢到，今次gg了，雖然4隻都未出」、「我都有幾樣訂貨比佢一直拖。」、「俾左訂金，無貨派」、「俾左訂成年無貨返」、「好彩我六月時退得返訂，兩件貨拖咗超過半年」。