十一黃金周期間，大批內地旅客湧港觀光，但隨之而來的各種不文明行為及秩序混亂情況亦陸續浮現，引發廣泛關注。日前有網民拍得有旅客公然在港鐵車廂內踎地食西瓜。
港鐵東鐵線內地客踎地食西瓜
網上有人發帖寫道「永遠都不會令你失望的貴賓」，並附上一則約15秒的影片。影片中，一名身穿白衣的男子，在一列東鐵線車廂內，當眾踎地吃西瓜，他身旁亦有其他乘客，惟男子毫不在意，甚至將身上袋子放在地上大快朵頤。
網民挪揄：太低估佢哋
事件引起不少網民討論，不少人挪揄內地旅客再次刷下他們的下限，亦有人指太低估內地客的威力，「P你個K踎都算，仲要刨埋西瓜」、「真恐怖，食相都衰過人」、「真係奇怪，返大陸搭地鐵啲大陸人無咁Cs架喎，落嚟香港嗰啲特別XX嘅。」、「以為雞翼骨同荔枝殼已經係底線，真係太低估佢哋」、「依家麻木哂㗎啦，希望個西瓜至少係喺香港買啦」、「氓以食為天」、「根本上在黨鐵食嘢從來都係唔啱嘅行為！」、「真係頂唔順！」、「如果貴客畀咗貼士先食會好好多」、「無知就是他們最強大的武器！」、「車廂不能進食。」、「究竟啲大陸人食遲一陣同踎小一陣係咪會死㗎」、「唔知個西瓜係唔係佢由大陸帶黎！？」、「有啲離譜噃。」、「請問有冇乘客可以提供地拖俾佢清潔？」、「踎喺度食西瓜真係好唔容易竟然唔腳痹」、「試下喺深圳地鐵咁做。即刻俾人趕落車」。
港鐵附例列明食野要罰款
根據香港法例第556B章《香港鐵路附例》第27條，乘客在港鐵已付車費的區域內（包括車箱）禁止進食或飲用任何食物或飲品，違者最高可被罰款2,000港元。