港鐵日前又出現逃票事件，事件更被人拍得影片並放到網上！有網民日前在社交平台分享，在港鐵的輕鐵濕地公園站目擊一名男子，疑似坐車「唔畀錢」被斷正，引起網民討論。
逃票｜輕鐵1男疑坐車「唔畀錢」被斷正
據影片所見，1名身穿白衣男子在濕地公園站疑坐車「唔畀錢」，被職員發現斷正。其間，兩名男職員用雙手捉實男子，但男子多次企圖想逃跑，及後再有一名女職員前來協助。影片完結。
影片截圖：
逃票｜網民議論紛紛
不少網民看過片後，指男子既然被斷正，就不應逃跑，亦有人指這是常態，因平時也很多人不付款，「可能人哋無錢先逃票」、「港鐵職員做得好」、「不嬲比黃精靈捉就係要跑得快過佢地先得架啦」、「而家真係好多上年紀同埋細路仔都唔拍卡上輕鐵。」、「好學唔學」、「你勁了兄弟」、「原來輕鐵有職員㗎」、「其實仲有好多人都係冇拍卡，只係睇有冇講鐵喺度」、「俾反$500先好走呀」、「駛唔駛咁慳」、「自己唔拍卡抵死」、「真係好樣衰，逃票已經核突，仲要走 樣衰到極點」、「直接撻佢落地撳佢，包佢走唔到」、「其實搭地鐵要俾錢買車飛呢個係定律嚟，冇錢就咪學人搭地鐵」、「真係慘，識咗你真丟架」、「你勁了兄弟」、「威到盡啦，俾人擺上網」。
逃票｜坐港鐵未付費可被罰款
根據《港鐵附例》第14A條，任何人不得在未付或拒付，按照本附例可徵收的任何車費、附加費或其他款項情況下離開已付車費區域，違者最高可被罰款5,000元。
此外，根據《港鐵附例》第28B條指出，任何人不得在鐵路處所的任何部分內攀上、攀越或跳上、跳過任何牆壁、欄柵、欄障、旋轉閘或柱子，否則最高罰款3,000元。