10月12日，一位網民在社交平台分享於酒吧的用餐體驗，原本是朋友相聚、氣氛熱烈的一晚，卻因一杯「Free Shot」被收走而急轉直下。事件中，員工A送出免費酒予熟客，卻遭經理Issac當場收回並即時要求員工離場，引發網民熱議，質疑餐廳管理方式「倒米式操作」，將內部人事問題暴露於顧客眼前。
經理兩度收酒杯「一啖都唔會俾你飲到」
事主在Threads上詳細描述整個過程。她與兩位朋友到酒吧飲酒，原本只是普通的週末聚會，卻因為意外發現熟識的朋友正在店內任職而格外開心。該員工A主動送上Free Shot作為驚喜，事主自然感到格外高興。
然而，當他們還未碰杯之際，經理Issac突然現身，面色凝重地收走酒杯，並當場要求員工「收工」，即時離場。事主形容：「我哋連隻杯都掂唔到，嗰下尷尬到仆街，即刻冇晒氣氛，我哋三個呆咗喺度成幾分鐘。」
更令人錯愕的是，經理在收走第一輪酒杯後，似乎未收齊，稍後又回來再收第二次，確保客人「一啖都唔會俾你飲到」。整個過程不但令顧客感到不快，也讓員工在眾目睽睽下被羞辱，場面極度尷尬。
事主補充，雖然她與員工相識，但並非事先安排，只是巧合遇上。她強調：「我哋都係俾錢嚟飲酒，唔係嚟睇你哋管教員工。」事後，經理有向她解釋行動原因，並提出退回全單作補償，但她認為：「你哋內部問題做咩要客人埋單？」
更具爭議的是，事件過後，餐廳方面竟要求員工聯絡事主，希望她刪除Threads貼文，但並未直接聯絡事主本人。同時，餐廳在社交平台嘲諷式留言：「Sis你琴晚飲Shot飲得唔夠快，唔使留Bad Review嘅！下次邀請你再過嚟同Isaac鬥快飲Shot，如果你今次飲唔過Isaac，咁妳就記得俾錢啦！」
網民：好感+100變-1000000000
事件曝光後，網民反應激烈。有留言指出：「員工送Free Shot對餐廳好感+100，但經理Isaac喺客人面前收走再管教員工，好感-1000000000。」亦有人形容：「訓導主任咩？沒收客人D Free Shot，完全倒米。」
不少人質疑餐廳的管理邏輯：「Free Shot唔得，但Free張單可以？」「邊個客見到仲會再去呢間Bar？」更有網民指出：「其實個經理都好kam，完全唔識做場面。」
有網民表示，員工的友善與主動令整晚氣氛升溫，是顧客願意回頭的原因之一：「我哋一開始都話下次一定要再嚟，係因為員工serve得好，我哋飲得開心。」但經理的行為卻一舉打破這份好感，甚至令整個聚會「搞串咗個party」。