元朗鳳池路日前發生一宗驚險工地意外，一輛吊臂貨車在吊運混凝土期間突然失控翻側，險些壓中站於車尾的工人及途人。事件被車cam拍下，片段長約19秒，其後在Facebook群組「車cam L（香港群組）」流傳引起熱議。
元朗吊雞車路上吊物突反車翻側
從影片所見，涉事吊臂車正吊起一件大型混凝土構件，期間車身突然向左翻側，整輛車傾覆於馬路中間。當時車尾附近有三名工人正在協助作業，翻側一刻迅速後退閃避，另有一名途人亦急步逃離，場面驚險。所幸事件中無人受傷，司機亦能自行離開車廂。
影片截圖：
險撞工人惹熱議：又係外勞？
有網民質疑，涉事吊臂車疑似未有開啟支重腳撐（俗稱「腳撐」），導致車輛在吊重時重心不穩而翻側，亦有人質疑會否是外勞，「在吊石屎？」、「可能：部車係公司，人就求其請，order就亂報亂派...」、「受力嗰邊又無開腳，企雞尾嗰條友好似想頂住部車，係唔係有D病呀？」、「打中人就gg」、「咁得意嘅，對腳申一邊唔申一邊嘅？」、「所以啲老師傅講得啱。而家啲新入行，唔聽人講自以為是，所以經常出意外。」、「亂咁黎，唔怪得之啲員工咁多意外」、「業界都講過好多人係唔識操作防傾桿㗎！」、「喱種“臨時封路”求求奇，樣樣都無跟足指引，係要出事果陣就講“單一個案”」、「個躉都未開好,學人揸機...」、「人才，又係外勞？」、「人類又重覆犯錯，又係90度角，仲要唔開腳撐，就算有開都有大風險」、「無責死想頂住架車果個算好彩」、「有乜所謂？政府錢，順利嘅咪報埋工傷」。