近日網上流傳一段行車記錄儀影片，拍攝地點疑位於市區繁忙幹道。片中三名年長婦人無視前方不遠處設有行人過路燈位，選擇直接橫穿三線行車馬路，最終其中一人遭左線黑色貨Van撞倒，場面驚險，引發網民熱議。
視線死角釀禍 橙衣婦人遭貨Van擦撞倒地
影片顯示，事發時車Cam車輛正行駛於中線，三名婦人由右側路邊突然橫穿馬路，嘗試穿越車陣。當她們走至中線時，因左線車輛被遮擋，未能察覺有車駛近。片主見狀即時響咹示警，但橙衣婦人仍未停步，直接踏入左線，結果被一輛黑色貨Van擦撞倒地。
根據影片判斷，貨Van司機因視線死角未能及時察覺行人，煞車不及導致意外。事後片主在社交平台發文提醒：「奉勸大家，或者提吓啲長輩，真係唔好亂過馬路，啱啱呠佢哋都聽唔到咁，想救都救唔到。」
網民批評行人罔顧安全 斥「害死司機」
事件引起大量網民留言討論，不少人批評三名婦人罔顧交通安全：「行多前少少就有斑馬線都唔行」、「有燈位又唔行，zip車隙又唔睇車」、「害死個司機，真係剎唔到」。亦有網民分析行人反應：「呠佢唔係聽唔到，有機會係以為你叫佢行快啲」、「第一條線識望有無車，第二條線就都唔望直衝出去果下西利」。