外賣平台盛行，便利之餘亦衍生不少衛生與責任爭議。近日一宗發生於觀塘工業中心的外賣事件引起網民熱議。有市民於社交平台發文，指目睹一名外賣員在送餐途中不慎打翻飲品，竟將倒瀉於外賣袋內的液體重新倒回杯中，然後繼續送餐。帖文迅速引來大量留言，批評行為「極不衛生」、「冇責任心」，亦有前外賣員留言揭露平台制度黑暗面，指「打瀉都唔會有補償，只會踢走你」。
目擊者：外賣員將飲品倒回杯中保持笑容繼續送餐
根據帖文描述，事發時間為晚上七至八時許，一名外賣員於觀塘工業中心送餐，未知所屬那一間接單平台。外賣袋內約有六至八杯綠色飲品，其中一至兩杯倒瀉，外賣員將飲品杯放於地上，再將袋內液體倒回杯中，並保持笑容繼續送餐。
帖文作者表示無法直接通知訂餐者，只能透過社交平台求助：「希望萬能Threads幫到佢，Good luck。」
衛生風險惹關注 平台制度成矛盾根源？
事件引發網民激烈反應，不少人直斥行為「冇質素」、「你飲我唔飲」，亦有留言指：「外賣平台根本唔保障外賣員，打瀉都冇補償，佢哋只係送袋嘢，入面係咩就你死你事。」
有網民分享自身經歷：「幾年前試過收到濕哂嘅膠袋，食完我和同事都肚痾。」反映類似事件並非首次發生。
事件亦引發消費者自保意識。有網民建議：「飲品湯麵都係自己pickup好啲」、「10分鐘腳程內有7仔、麥記就自己買啦」。