網上社交平台threads近日流傳一段手機視頻，可見港鐵油麻地站一名阿叔帶同一名婆婆上車時，不理車廂響起關門提示繼續上車，結果阿叔被車門夾住，一度無法動彈，其後他一直怒視車門，待車門鬆開之後，「老馬有火」怒踢車門，但懷疑反震力太大令到他失去平衝撞向座位玻璃隔板，甚為狼狽，而原本站在月台上未能上車的女乘客，因車門再度打開最終成功上車。
事件惹來網民熱議，有人留言表示「 幾十歲拖住阿婆就唔好衝閘啦好心」、「踢完之後自己企唔穩」、「衝門仲咁惡離晒譜」、「上唔切車而俾車門夾到啫，使唔使發脾氣踢道車門呀！唔通道車門同你有仇咩！」、「行慢咪等下部車囉」、「踢爛咗被告刑毁就真係好笑」、「因為衰咗，所以踢門遮醜，即係老羞成怒」、「根本自己唔啱，趕什麼，等下一班會輸晒人生咩？」、「司機關（門）早咗半秒」、「後面黑衫女冷手執個熱煎堆」。
《港鐵附例》
據了解，根據《港鐵附例》第9條「不當進入或離開列車」，任何人不得在列車車門開始關閉後進入或離開列車，不得企圖在列車車門開始關閉後進入或離開列車，也不得干擾鐵路處所內的任何門或閘，包括任何列車車門及月台幕門，違者最高可罰款2,000元。