一名網民近日在社交平台分享自己成功戒煙一年，獲得戒煙熱線頒發的300元獎勵，形容「開心到傻」。帖文一出即引來熱烈討論，有人質疑「咁少錢都po」，亦有人留言力撐，認為戒煙本身已值得嘉許，300元只是一個象徵。
該網民表示，一年前「玩玩下」報名參加戒煙熱線，原本未有太大期望，結果一年後竟然成功戒煙，獲得獎勵通知，直言「真係冇諗過」。他更附上獎勵通知及笑臉表情，分享喜悅。
「呢$300唔係錢，係一個印仔」 網民留言力撐：煙都戒到，你仲有咩做唔到？
帖文引來不少留言，有人表示：「呢$300只係一個儀式，證明你嘅努力得到認同同埋嘉許！」、「煙咁難戒都戒到，證明你有強大意志力」，亦有人以比喻回應：「就好似老師獎勵小朋友嘅白兔印仔或者貼紙一樣，嗰啲攞唔到貼紙嘅同學，一定會講風涼話。」
另有網民從實際角度分析：「唔只賺$300，以後唔再買煙仔等於用少啲錢即係賺咗，身體好咗唔洗俾錢睇咁多醫生又係賺咗！恭喜晒！」
更有留言指出：「我諗依$300背後嘅意義，係你對人生嘅一個全新嘅睇法。係有啲嘢，你的確透過自己雙手可以做到。透過自己對自己嘅約束令自己進步。欣賞你！」
戒煙唔只為自己 亦為身邊人
根據衛生署資料，戒煙不但有助改善個人健康，亦能減少二手煙對家人及同事的影響。戒煙熱線（1833 183）設有多項支援措施，包括電話輔導、戒煙貼及藥物支援，部分計劃更設有獎勵機制，以鼓勵市民持續戒煙。
雖然金額不高，但不少成功戒煙者表示，獎勵本身代表一種肯定，亦是一個「儀式感」，提醒自己曾經完成一項艱難挑戰。
社交平台正能量湧現 港人互撐互勉：煙都戒到，仲有咩做唔到？
事件亦引發一波正能量留言潮，有網民表示：「煙都戒到，你要相信自己。人生入面其實有好多成就，你都可以透過自己達到！加油！」、「好叻！！成功戒煙個意義大過呢300蚊！」