近日有網民在社交平台發帖，表示「究竟點解冇啦啦成條街啲人啲頭髮都有靜電」，並附上現場照片，顯示有人頭髮呈放射狀翹起，猶如被強烈靜電吸引，畫面引起熱烈討論。
網民：行雷仲唔走，冇常識真係會死人
帖文隨即掀起網民留言潮，不少人提醒「行雷仲唔走，冇常識真係會死人」、「發現呢個情況應該盡快匿入室內，有避雷針嘅屋入面」。亦有人解釋，這種現象通常出現在雷暴區附近，雖然未必必然落雷，但風險存在，呼籲「下次呢啲情況要搵地方避」。
根據香港天文台雷暴安全指引，當雷暴警告生效時，市民應：
- 立即尋找安全地方躲避，避免在空曠地方逗留。
- 遠離高地、樹木、桅杆及導電物體。
- 切勿在水面活動，並避免接觸金屬物品。
- 提防強陣風及墜落物件。
天文台提醒，雷暴期間閃電可造成嚴重傷害，市民應保持警覺，並留意官方警告訊息。