近日網上流傳一段車Cam片段，拍攝到一輛棚車在高速公路行駛，車尾載滿長竹，竹枝尾端懸空伸出，沒有任何紅旗或防護墊，場面驚險。網民形容「見到死神來了」，呼籲駕駛者切勿跟車過貼，否則後果不堪設想。
現場情況：棚竹外露 危險直指後車
從片段截圖可見，棚車行駛在公路中線，車尾載有大量棚竹，長度遠超車身，尾端懸空，排列鬆散，明顯「條條揈」。若發生急煞或追尾，後方車輛極可能遭竹枝直插車廂，形成「穿心劍」危險。
車Cam片段中可見，一輛黑色私家車曾於後方接近棚車，屬高危駕駛場景，加上車流密集，旁邊多輛車爭道，事故風險極高。不幸中之大幸，棚竹最終雖有有數枝跌出車尾，不過只是插向地面，並未擊中緊隨其後的黑色私家車，否則後果難以想像。
網民熱議：全民車Cam監察 「見到死神來了」
事件在 Facebook 車主群組引起廣泛迴響，不少留言直言「同棚車保持距離，安全第一！」，亦有人呼籲：「全民車Cam監察所有載貨唔穩嘅車，請舉報！」。
有網民批評部分司機心存僥倖：「見前面啲棚竹條條揈都仲要跟到咁貼，佩服佩服！」，更有人語帶諷刺：「逢係大車都唔應該跟，如果真係要跟，都要保持適當距離！」。
不少駕駛者坦言，每次見到棚車或泥頭車，腦海總會浮現電影《死神來了》場景，形容「一係棚車，二係泥頭車，絕不可跟貼」。