港鐵每個站都有不同職員處理大大小小的事務，日前有網民在社交平台上發帖文及影片 ，指一位職員突然「升呢」變搬運工人，親自幫一位印尼籍外傭姐姐搬行李上樓梯。事件在網上瞬間引爆笑彈，有人直呼：「呢位職員真係做工人嘅工人，連外傭都要靠佢！」。
苦命職員變「阿四」搬行李
根據網民上載的帖文所見，事發地點疑似為港鐵旺角站出口樓梯位。一名身穿制服的港鐵職員，正氣喘吁吁地幫一位印尼籍外傭姐姐搬運一個大行李箱，她正逐級逐級咬緊牙關上樓梯。姐姐則在前方輕鬆行走，神情淡定；帖文內片主又寫道：「會唔會生（辛）苦左個地鐵職員呀～」。
網民反應：做工人嘅工人
事件引起大量網民留言，有人感動職員樂於助人，有人則忍唔住發揮創意，「港鐵職員：我唔係唔想幫你，我係唔敢唔幫你。」、「呢啲係咪叫『一帶一路』？我帶你，你一路行。」、「佢應該申請加人工，呢啲係額外體能訓練。」、「工人姐姐：我請咗個臨時助手，仲唔使畀錢。」、「呢位職員真係做工人嘅工人，連外傭都要靠佢！」；亦有網民指出，港鐵站內不少出口仍未設有升降機或斜道，對長者、傷健人士及外傭姐姐等搬重物人士極不友善：「唔係個個都想勞煩職員，但真係無路可走。」