近日網上流傳一段車Cam影片，拍攝到一名長者在過馬路時疑似衝紅燈，結果不慎仆倒於馬路中央。片段上載者呼籲大眾體諒長者行為，卻反遭部分網民狠批，直言「等下會死咩？」事件引起廣泛討論，反映出市民對交通安全及長者出行的不同態度。
老人衝燈不慎仆倒馬路
該車Cam片段顯示，事發地點為市區一個繁忙路口。當時交通燈號已閃並即將轉紅，但一名長者仍嘗試快步橫過馬路，途中失足跌倒，倒臥於行車線上。
片主呼籲體諒反被罵
幸好司機未有開車，沒有釀成嚴重事故。片主在影片中留言，呼籲大家體諒長者行動不便，並提醒駕駛者多加留意，不過就惹起網民不滿，「咁大愛你點解唔落車幫手?」、「可以點體諒?十單意外九單係途人死衝，尢其老人家」、「成日見佢哋追車、追燈、追lift都勸佢哋唔好急唔好跑，永遠都唔聽」、「行人犯法. 體諒啲乜?」、「等下會死咩？」、「要明白自己已日漸衰老身體會逐漸力不從心，以前點叻心態就要放棄，要慢活。」、「佢地唔體諒人」、「等多枝燈會死？我唔明香港d 退休老人明明咁得閒，但又偏偏鐘意一早出黎同上班族學生哥爭搭交通工具，又鐘意爭先恐後，真係唔抵幫」、「活了80年，唔肯等多一兩分鐘」、「心唔明幾廿歲仲跑乜」、「其實屋企人都真係同老人家傾下，如果已經退休，冇需咁心急，如果追車，同自己講，又唔係趕時間，咪等下架，遲少少其實唔係乜嘢大件事」、「老人家好多時手腳唔協調」、「呢個老人家最好去醫院檢查下，頭撞地好危險」、「我以前跑步冠軍嚟㗎」、「老友記咁樣跌一跌可以好傷..」、「唔係體唔體諒嘅問題，係有冇呢個需要，佢趕住去邊？」、「唉！成日唔明咁心急做乜？」。