網上流傳相片，顯示一名婦人疑似在宏福苑火災現場附近偷取救援物資，引來網民批評。
婦人疑似偷取宏福苑火災救援物資
一名網民在Facebook發帖，並附上相片，顯示一名婦人疑似偷取宏福苑火災現場附近的救援物資。
樓主在帖中怒斥：「好心唔好咁無恥啦一把年紀偷物資，住附近啲救援物資關你X事啊？周圍走周圍攞，問佢燒邊度就口啞啞，原來住隔離，你老X，已直接開左（咗）佢波趕走左（咗），但應該會翻（返）嚟。」
網民怒斥：無恥
網民紛紛批評老婦的行為，表示「小得佢啱a，唔好講一句『老人家算啦仲有』，而家就係有人貪小便宜，引一場大火，失去咗幾多生命，香港唔可以再有咁多咁ge（嘅）風氣」、「做得好踢爆佢，叫佢放低番d野（返啲嘢）」、「其實可唔可以報警拉佢？連消防員咁辛苦都唔想攞水飲，佢憑咩？」、「等天收」、「呢啲人真係無恥 」、「趁火打劫，無恥 」、「預咗一定唔少依啲人....天有眼的」。