天水圍近日出現一幕驚險的場面，一名身穿黑色衣服的電動單車友在踩單車時，疑因掛住看手機，結果差點直衝向一列行駛中的輕鐵列車。幸好及時急煞避過一劫。
天水圍電動單車友疑掛住睇手機
據該則長約13秒的車Cam影片所見，事發地點為天水圍某路口，當時一名身穿黑衣的男子騎着電動單車，雙眼疑似緊盯手機屏幕，完全忽略前方情況便前駛，惟一列輕鐵正駛近路口，男子幸及時自行急煞停車，險些撞上輕鐵車身。
網民怒斥單車友
事件被車Cam拍下並上載網上，隨即引起網民熱烈討論，不少網民怒斥單車友，亦有人指執法不力，「差d害死個司機」、「呢d電雞從來冇人捉」、「點解佢見住有輕鐵嚟都衝埋去？」、「踩住單車都唔睇路只係顧睇手機…… 佢冇死真係好大命。」、「鄧輕鐵司機慘，差啲要奶嘢上身+人命，In which 唔係佢嘅錯」、「(單車男)佢好似睇緊電話」、「天水圍無警察會捉電雞」、「平時慣左d車會避佢，今次係輕鐵無得避」、「唔好話我黑心，我媽就係俾呢啲電動車撞到入左院….司機仲要不顧而去….警察話果個位冇cam拉唔到人」、「呢啲車從來無人捉，大把人行人路踩單車都係無人理」、「之後仲望都唔望有冇對頭車嚟緊就開車走，有車就GG」、「架輕鐵都黎到，條友仲衝過去？」、「輕鐵無得避，急煞都停不到」、「啲人好心守下規則，仲要揸電既單車」、「佢完全覺得自己會快過輕鐵衝去
，真係撞既撞到應一應」、「馬路炸彈」、「咁都車唔死，真係好好好可惜」、「哩種事我見過好多次，每次差點害死司機」。
電動單車須領牌及持牌駕駛
根據運輸署指引，電動單車若具備動力驅動裝置，即屬《道路交通條例》（第374章）下的「機動車輛」，必須領有有效牌照，並由持有駕駛執照人士操作。該類車輛亦須符合《車輛（構造及保養）規例》之安全標準。
此外，《道路交通（交通管制）規例》第99條明文禁止任何非獲准車輛進入高速公路，包括電動單車、電動滑板車及電動輪椅等。違者可被票控，最高可被罰款及監禁。