近日網上流傳一則帖文，指有市民透過二手交易平台購買貓糧時，竟收到一袋「腐爛垃圾」，內容包括疑似用過的衛生用品、垃圾袋及食物殘渣，令買家震驚兼反胃。
心急買糧 面交後惡臭衝鼻
帖主表示，因家中貓糧食完，而寵物店缺貨，遂心急在二手平台購買，並以約 $190 購入一包「頂住先」。賣家開價比市價平數十元，並堅持面交。帖主交收後未檢查，返家拆袋即聞到「一陣腐臭味」，打開一看，竟是「一袋腐爛垃圾」，包括：
- 疑似用過的衛生巾
- 食完的罐頭
- 黐滿殘渣的垃圾袋
帖主形容：「一邊影相一邊反胃到想嘔」，並即時將整袋物品丟到垃圾房。
網民反應：行為噁心 有人建議報警
事件引起網民熱烈討論，不少人留言：「甚至係有M巾係入面，啲人真係痴X線」、「香港真係勁多反社會白卡」。
亦有人建議報警：「雖然只係 $190，但警方可以搵到佢出嚟，你唔好辜息呢啲X街呀！」
更有人懷疑賣家「堅持面交」是刻意安排，批評行為「變態」。
帖主警告：面交必檢查 唔好貪平冒險
帖主最後提醒：「面交一定要檢查，唔好再喺網上買開過封嘅食物，唔好貪方便／平冒險，永遠唔知對面係乜人，或者入面有乜。」