坐的士務求「點對點」能快捷方便回家，但有人不幸遇上「壞司機」，全程車都不能放鬆。網上有乘客指，日前乘坐的士時，司機竟然單手揸駄全程傾電話講股票，惹起一眾網民討論。
的士司機單手揸駄全程傾電話講股票
近日網上流傳短片，有乘客指其乘坐的的士，司機單手揸駄，甚至全程傾電話講股票，非常不專心，「司機大哥 成程都冇停過傾股票 單手揸駄係咁漂過隔離線 叫佢小心啲都繼續係咁。
該乘客又在帖文中表示無從投訴，「佢又冇show 編號同名，有冇人知道可以點樣投訴。」
網民列3點籲報警
事件引起網民討論，有人列3點呼籲報警，「1沒有展示司機證，2
不出示收據，3行駛期間持手提電話，唔知入唔入佢不小心駕駛」；另有網民指乘客要做3件事保障自己，「你第日見到無的士証唔好上，第一 可能架車係偷番黎、第二 無牌營業 第三者保險唔知保唔保、第三 黑工營業 車你去老遠再打劫。小小心得 保障自己！」
此外，另有不少網民形容司機是行業的害群之馬，認為他影響全個的士業，「拎收據」、「你可以落車嘅時候原地999，佢無show證已經抄得$450」、「搭到175蚊，大客來喎，咁唔X俾面」、「到目的地，停車，你唔落。報警，叫佢唔好走」、「影車牌要影埋乘客位格離呢個牌，手寫無X用，落車再影」、「同佢講：司機大佬，我有兩隻內幕股送比你。一隻1823，另一隻999」、「報定警喺落車點等」、「10年前又係機場返屋企，個的士司機有幾部電話不停幫手call台接客，行青馬大橋行唔到直線，臨出市區頂唔順叫佢專心開車，倒轉俾佢話，我媽經此一疫都怕咗佢哋」、「我前幾個月坐過去機場嘅通宵的士，車頭有8部電話、司機位旁邊仲有一部，全程接單，隻眼一路望住電話，我同佢講叫佢專心揸車，佢話佢揸咗幾十年好有經驗，我一路捉住條安全帶，真係超驚嚇，以後都唔會坐呢啲通宵的士，我情願坐尾班機場巴士入機場等。」、「有片有車牌告得，一係去差館報案，一係用警察電子報案個app報，唔好放過呢啲XX，遲早害死人」、「記低車牌、時間，拍咗片，佢無show司機証已經違法，駕駛期間手持電話已經有排告！」、「網上有簡易報案，可試下，交通規例應該都管埋既⋯」、「黑的黎喎 ，名牌都冇」、「同佢講車你去最近嘅警署」、「坐得的士就預咗搵命搏。」、「下次Whatsapp 報警」。
