銅鑼灣為旅遊區，部分地點設有行人專用區，如位於百德新街一帶。日前有市民在網上發帖文，指看到有的士慣得「兜路」，而索性鏟入行人專用區，在行人路上掉頭，引起討論。
「小露寶」的士鏟入行人專用區
日前有市民以題為「銅鑼灣奇觀」發帖文及影片，指有的士鏟入行人專用區。他表示「架的士入咗行人專用區，直接上行上路走咗。」據影片所見，一輛「小露寶」不顧有行人在路上，仍公然駛上行人路上，期間有市民拍窗提示，惟的士司來戈沒有理會，繼續駕駛。其後影片完結。
網民：舉報佢
事件引起不少市民討論，有人指影片拍到車牌，應該去舉報，「1823舉報佢」、「如果有日期時間，可以喺app入面嘅電子報案中心舉報」、「1823啦」、「果然係”優質的士”」、「黑工外勞司機？」、「佢點入到去??」、「係銅鑼灣成日見啲車剷上行人路，已經見怪不怪」、「有車牌，有片，上網電子報案室，upload埋條片，交警會跟進。寫清楚案發日子、時間。」、「當咗在內地，點行都得。」、「又扮唔知的士X，罰佢五千扣佢十分」、「冇司機證，講真依家一街都CCTV，呢單嘢拉唔到人，警察面都冇」、「謝謝你們好市民。」、「而家行街都要好小心， 啲司機都唔知有冇牌係咪香港人」、「乜人都有的士牌，好似粵車南下亂嚟」、「個車牌淘寶架？」、「越黎越多人以為自己揸緊坦克車」、「司機係唔係有咩心事」、「個欄就咁抆得起㗎」、「司機可以準備轉行」。