到公眾泳池游水竟遇封池，再獲發「緊急再入場卷」？有網民在社交平台表示，周日（12月14日）前往位於大圍顯徑的泳池，但巧遇封池，並獲發「緊急再入場卷」，惹起網民熱議。
公眾泳池游水遇封池獲發「緊急再入場卷」
帖主在帖文上寫道，「游左（咗）十幾年水，第一次收到。」，他另院上一張綠色的卡片，上面寫有「公眾泳池入場卷」，又標明「只限於緊急事件時發出」；卡上寫有「持此券者可免費使用任何康樂及文化事務署公眾泳池一節」及「此入場券於發出後12個月內有效」。
帖主其後又表示，游泳期間泳池內有污染物，又表達失望之情，「唔好咁啦，我想游水。」
網民解答真相：化糞池見證卡
事件引起網民討論，有網民指帖主應該是有人在池內便溺，要緊急封池，更笑稱該張綠色卡片是「化糞池見證卡」，非常搞笑，「通常有人瀨屎」、「化糞池見証卡」、「會唔會有人連續兩次或以上遇到事件？即係用呢張嘢入場呢之又發生事件」、「早上可能係屎，下午可能係嘔吐物。」、「尿都算，仲玩屎」、「我都試過，啱啱到泳池門口，就話要封池，摸門釘，之後有個叔叔話佢係月票，張飛冇用，送咗俾我」、「上個月我都收過，剛沖涼就聽到廣播”池水受污染”」、「簡直係恐襲...」、「救命，真係會隔夜飯都嘔埋出嚟」、「估唔到，會有呢種入場券」、「早兩日泳池更衣室地上有便便，職員自行清理。」、「呢個池成日有屎...」。
據香港法例第132章《公眾衞生及市政條例》所指，任何人污染公眾泳池，即屬違法，一經定罪，最高可被判罰款2,000元及監禁14天。