中九龍繞道周日（12月22日）正式通車，今日（22日）則為首個首個工作日，早上路面暢順，不過疑有部分司機「唔熟路」，有的士懷疑遭路牌誤導而行錯，不慎變逆線行駛。
的士司機疑「唔熟路」變逆線行駛
有網民在網上發影片，指有的士行經中九龍繞道時疑行錯路，最後變逆線行駛。片主指，的士由啟德承啟道落橋，疑因「唔想入隧道」便直接U-turn逆線，前往郵輪碼頭方向。
據影片所見，的士行駛期間，一旁有重型貨車及田螺車經過，而且兩邊車速頗快，一但碰撞便會發生嚴重交通意外，後果不可設想。
網民：大地任我行
事件引起不少網民討論，「Crazytaxi」、「諗返起有隻game叫瘋狂的士」、「DC無一個係蘑菇」、「呢啲要停牌...」、「優質dc，以客為本」、「高手，咁都可以轉過去，連地線都唔識睇，終身停牌，唔好害人」、「揸的士需要嘅勇氣大過揸槍嘅...」、「粵的南下??」、「個牌唔係唔釘呀嘛？去上東張一定死！」、「瘋狂駕駛」、「叻仔，有無車牌? 1823危駕」、「高速逆線行一大段距離，停牌一年以上就例牌，甚至有機會要坐監，仲要係放完監先開始停牌。」、「坐的士真係又好玩又刺激」、「差佬唔係唔做野呀嘛」、「段路咁X亂，我都未敢行住」、「真係害死人」。