「粵車南下」正式啟動！入境市區凌晨零時起實施，首批車輛在凌晨時分抵達港珠澳大橋香港口岸，完成程序後入境本港，首日開始即有驚險畫面出現，令不少車主怕怕！
粵車南下車主怕怕
政府指，「粵車南下」車輛可以經港珠澳大橋入境，每天100個名額，所有粵車須安裝以「FT」開頭的香港車牌。今日（23日），有本港車主驅車至灣仔堅拿道天橋時，拍到「FT」車的驚險畫面。
據該則車Cam影片所見，Cam主正沿告士打道一段堅拿道天橋行駛，當打算轉向左方灣仔市區入口時，右方一輛「FT」車疑「唔熟路」，未有打燈便突然轉左，Cam主險與其車相撞，非常驚險，幸好未有發生意外。
網民：頭文字FT
其後，Cam主更寫道，「頭文字FT你好，大家準備好未呢？」，引起不少網民討論，「多啲包容啦，香港人港車北上咪又係一塌糊塗？」、「影住驚先，見一架舉一架，舉到佢地怕左就唔黎」、「特權車！」、「膠德地圖呀，體諒下」、「睇黎要搵的士佬治一治佢」、「睇黎要搵的士佬治一治佢」、「睇導航提早入錢都唔識，又話高德好勁嘅」、「包容下啦！二等公民⋯」、「即時1823啦，唔駛諗」、「一嘢踩行有撞落佢保險又冇得賠？」、「叫左大家離遠啲，慢慢接受。」、「如果你遇見到我你就冇運行」、「專家話要離開佢地遠D喎」、「府話有哂資料一定回監控住嘅，我對政府充滿無限嘅信心….」、「好奇一問，佢哋無香港牌，無分可扣。剩係罰款就無事？」、「講真，香港人揸車上大陸唔會犯錯？好叻？」、「試下1823！睇吓可唔可以舉報到」、「好緊張啊，我既對手終於出現。」、「其實有冇得執法？」。