近日再出現「人肉霸車位」事件！一名車主發布在12月初遇上霸位黨，在社交平台群組發布一段影片，指有一男一女以「人肉」霸佔泊車位更扮碰瓷。事件引起討論。
男子怒罵私家車主仲扮被碰瓷
有車主在街頭露天泊位打算泊車時，發現有人以「人肉霸位」佔領車位，一名女子企正泊位令其無法駛前。當時，車主打算向前駛入泊位，該名女子立即破口大罵。
其後，一名男子疑爭泊位不果，不但怒罵私家車主，更扮「碰瓷」訓地，引起車主不滿及下車理論。其後，男女兩人更聲稱要報警處理，最後影片結束，未知後續如何。
網民：條友俾人撞死唔抵可憐
不少網民看過片後指「大快人心」，指這些人是社會敗類，更有人稱看到這些無賴被教訓，稱「條友俾人撞死唔抵可憐」、「試下拎走佢部電話，即刻追你9條街」、「有冇救護車嚟㗎？要去政府驗傷㗎喎，有醫生證明，唔係瞓低就係得㗎啦，另外你有片可以保留追究責任」、「下次遇到人肉霸位既情況 只要停在個位外面 其他車入唔到個位便可 只需等待 不用動車 咁就係最好既解決方法」、「導演嗌咗cut喇…….霞姨……..！」、「非物質文化遺產絕招」、「唔好訓地，小心感冒」、「係大陸碌多野確保你死硬」、「係我就即刻叫無呼吸無脈膊」、「我以為個司機褪後再碌多佢一次」、「揸車為個泊位，真係最無謂」、「霸位最衰。車位係車到先泊。」、「你試下拎咗佢電話走佢即刻九秒九彈起身呀」、「咁少車位 阿貓阿狗都有車」、「車cam很重要在這年代」、「佢唔走，即打999係最好辦法」。