大埔宏福苑火劫，悲劇經歷逾一個月，至今仍然幾十隻動物失蹤，下落不明。不過愛護動物協會一直未放棄尋貓，終於，在火災後一個月再次迎來好消息！他們分別於聖誕節及元旦日，成功捕獲宏福苑兩隻失蹤貓貓，實在太感動人心。
愛協日前在其社交平台facebook專頁分享這段好消息：「大埔火災一個月後，奇蹟再次出現✨」。
「聖誕前夕，我哋終於獲得批准，可以喺宏仁閣擺放少量捕貓籠同埋攝錄機。聖誕節當日，真係有生還嘅貓貓入咗籠！我哋即時將送咗去愛協中心檢查，貓貓身體無大問題，好健康～ 最開心係，主人已經嚟接佢返屋企啦！🎄💖」
原來，貓貓好事一浪接一浪！
「去到2026年嘅第一日，我哋又成功捕到多一隻貓。呢隻貓依家都仲未定驚，但係主人都已經嚟到，預備接佢返屋企啦。」
「警方依家批准我哋，可以喺下星期喺其餘五座大廈擺放捕貓籠。希望可以繼續搵到更多仍然失蹤嘅貓貓。我哋會繼續努力，希望再帶多啲好消息俾大家！❤️」
原來，貓貓在聖誕節和元旦日已經成功尋獲，雖然其中一隻還未定驚，但相信看到主人後，久別重逢，情況將會好轉！
大火奇蹟兩貓獲救｜貓主人留言感激愛協幫忙：多謝你哋無放棄寵物
人寵重聚，感動萬民。至少，是宏福苑慘劇的一點點好消息，而貓主人亦有留言感激愛協幫助：
「多謝你哋幫忙，令錫仔可以同我哋過聖誕❤️❤️真係一份好好嘅聖誕禮物🎁🙏🏻🙏🏻講真，差唔多過一個月，真係無諗過仲會捉到，多謝你哋無放棄我地嘅竉物❤️希望會有更多寵物再救出，主人們，唔好放棄，我哋仲有希望💪🏻💪🏻。」
「SPCA今次真係值得讚！」
「成個救援過程睇得出相當上心盡力，資訊公佈清晰透明，亦會為咗受災動物，出面同政府相關部門商議同協調，真心多謝。」
「辛苦晒你哋，辛苦義工們🙏貓貓叻叻！加油！」
「希望繼續有貓貓被救出來，跟主人團聚。」
「真係非常感動，貓貓好叻！希望嚟緊再尋獲更多奇蹟生還毛孩！多謝你哋。」
「你哋唔只帶到希望俾主人，亦拯救咗一個生命👏🏻🎉。」
「貓貓們實在太叻！牠們都抱着信念一定要見返主人💖💪」
「感恩愛協工作人員的堅持救援🛟💕🙏🙏⋯⋯也是貓貓🐈⬛的堅守家園，相信主子不離不棄😻😼😽！」
圖片來源：愛護動物協會