海怡半島日前發生一件窩心事件！一名司機日前駕車到附近一帶，經過斑馬線時，有位小朋友在竟然過路後「鞠躬多謝」，非常有禮，事件引起網民討論，紛紛表示小朋友「好乖」。
小學生過斑馬線後「鞠躬多謝」
影片在周日（1月17日）晚上9時許拍攝，當時片主在海怡半島駕車至斑馬線時，因看見有人經過故減慢車速及停下。
其後，一位家長帶同兩位小朋友，他們看見便急腳走過，在最後一刻，家長向司機點頭，及後在後方的小朋友「鞠躬」多謝，令司機感到窩心。該司機又在帖文中表示，「終於遇到細路仔嘅多謝，鞠埋躬再揮手，我都同佢揮返手」。
網民：真係好有教養
事件引起不少網民討論，有人指小朋友像日本的感謝方式，非常有禮，「我都會點頭表示唔該，但咁大動作真係唔敢」、「佢地係好有禮貌，但車要班馬線停係法例要求，個人真心唔明點解要路人道謝」、「佢個側身”碎步”好可愛」、「香港而家十架車，9架去到斑馬綫都唔停，我次次去到都迫住要讓佢哋過」、「我黎threads就係為咗睇呢啲」、「禮尚往來，禮讓呢個係大家應有嘅習慣同態度」、「我都會揮手同點頭，屋企附近有條班馬線，真係肯讓行人真係唔多，遇到車讓我，一定會感謝」、「前面都有揮手，媽媽都有點頭」、「小朋友真係好可愛，仲要碎步走過」、「通常遇到會讓嘅司機我都會點一點頭同揮下手比個禮。」、「自己過馬路有人讓都會揮一揮手，唔該之餘順便當提個司機有人唔好郁車住」、「幼稚園有教，我仔小時候有做這多謝司機的動作」、「我平日都會點頭唔該」、「良好態度揸車將會一世平安」、「有家教，就係咁」、「個細路仔真係好細路仔，見到佢既碎步」、「小朋友鞠躬，好大機會係日本人」。
根據香港法例第374G章《道路交通(交通管制)規例》第33(6)條規定，在交通燈控制的過路處，行人必須遵從交通燈指示；任何「無合理辯解」違反者，可處罰款2,000港元。