2026年香港馬拉松今日（18日）舉行，約7.4萬名跑手在賽道上齊齊開跑。除了不少健兒努力衝刺、挑戰個人紀錄外，現場亦一如既往地出現不少奇裝異服的參賽者，為賽事增添氣氛。不過，網上同時瘋傳一張令人震驚的照片，引起網民熱議。
男跑手「孭BB跑全馬」
網上流傳一張照片，可見一名疑似參與今屆全馬賽事的男跑手，背着背包，胸前綁着嬰兒孭帶，而孭帶內似乎真有一名嬰兒，引起網民譁然。發帖者更揶揄道：「全場最勁跑手，BB都應該攞埋完賽牌！」。
照片曝光後即惹來大量網民熱議。有自稱與該跑手同組起跑的網民指，懷中的嬰兒「唔會大過6個月」，並怒斥做法危險：「起跑嗰陣左撞右撞，BB點承受？幾不負責任先會咁樣？」亦有人分享親眼目擊：「開賽喺油麻地見到佢，我再三睇清楚，真係有個幾個月大嘅BB！」更有人表示，初時以為是造型道具，結果仔細一看竟然是真嬰。
網友震驚惹熱議：BB條頸仲有得淨？
另有網民指出，該名跑手疑是全馬A組參賽者，令事件更受關注，「之前有醫生話bb會腦震盪」、「BB腦震盪」、「BB條頸仲有得淨？」、「真心唔好咁玩，無人湊B就寧願唔落場」、「BB唔適合起咁嘅環境，坐响度咁長時間，仲要係搖晃緊」、「無腦就唔好害個BB啦～事後快啲幫個BB做身體檢查」、「我都見到佢跑，然後回頭望下是抱著BB 仔跑！」、「BB會唔會有搖晃症？」、「跑全馬唔怕震親BB？」、「跑步嘅擺動會搖到BB，佢嘅骨骼未成長好保護內臟，另外仲有機會被其他人撞到。」、「比我我會揀推BB車。」、「其實好危險，撠到少少嘢都會向前仆。」、「點會比佢過安檢架，太危險」、「為咗渣馬可以去到幾盡」、「咁樣跑完，BB仲有腦震盪，以後變弱智⋯⋯」。