街場球賽再爆衝突。有網民於 Facebook 群組分享一段短片，並以「踢球只是虛名，打架才是真正功夫。先踢人才踢球」形容事件，引起熱議。從片段可見，一場原本的街場足球比賽竟演變成激烈衝突，多名球員一度互相推撞、摔地及爆粗，場面混亂。
街坊球員爆粗打到碌地沙
片段中，一名身穿黑色上衣的男子被拍到突然與一名白衣球員發生爭執，其後黑衣男子伸手大力將對方推倒在地，隨即引發雙方球員不滿，氣氛急速升級。就在推撞升級之際，另一名身穿黃色球衣的男子突然衝前加入混戰，一邊怒罵四字粗口，一邊出手還擊，令場面更加混亂。
短短數秒內，原本的足球賽事完全失控，場上球員分成兩派互相衝撞，甚至有人跌倒在地，情況如同街頭 MMA 混戰，惟影片並未展示衝突的起因，事件始末亦尚未得知。
網民笑稱：踢球只是虛名
不少網民觀看影片後留言大呼離譜，有人嘲諷道：「踢球只是名義，實際係落場對打」，亦有人批評球員缺乏球德，指街場比賽原意是運動娛樂，不應演變成暴力衝突，「其實踢波啫，打完贏咗咁又點，俾人拍晒片，周街CCTV，你覺得就得甩啦？」、「眼見黃色衫肥仔喺地下起身x2白衫x1」、「最大聲嗰個好似俾人打完，又唔夠膽還拖」、「黃衫好勁，突然使出雷霆魚躍」、「黃衫個肥仔一定好嬲」、「個阿叔幾有氣勢，打條友幾嘢，條友都唔敢發佢圍」、「黃色衫真係慘喺地下俾個黑色衫捉住勸交嘅，點知俾人執咗好多拳」、「黃衫球員嗰個飛撲捉腳好專業！」、「正正經經約打架咪幾好，係都要扮踢波。」、「有冇前傳。一來就打?」、「成年人都郁下就成日郁手打架，依家班青少年就係學哂你地。」、「硬地玩飛頂咁博命？」、「黄衫將呢股勁用響足球方面，香港足球有救」。