乘客搭巴士臨近到站時應及早準備下車，否則或引發爭執。社交平台近日瘋傳一段影片，指一班 268C 九巴（由九龍灣往元朗朗屏）上發生激烈爭吵。一名坐在上層的女乘客因趕不及下車，高聲要求司機「唔好閂閘住，落緊嚟」，但司機仍關門駛離車站。女乘客未能落車後情緒激動，多次出言責罵司機，最終司機以「乘客騷擾司機」為由報警，並鎖上車門，令全車乘客一度無法離開。
九巴上層女乘客遲落樓梯與司機爆衝突
影片由當時車上另一名乘客拍攝並上載網上，帖主在帖文質疑：「無啦啦被困係巴士，司機有權非法禁固成車人？」據其描述，事發於1月18日傍晚，巴士剛駛離元朗大棠路後，一名女乘客不滿自己未能下車，開始與司機爭執。
帖主指女乘客雖然生氣，全程沒有鬧粗口，只是不停重複指責司機「叫住你唔好閂閘你都閂」。然而司機卻選擇停車報警，並將車門鎖上「困住差唔多20人」，包括與事件無關的乘客。帖主又指車上有乘客因翌日要返工返學，希望司機至少先開門讓無辜乘客落車，但司機拒絕，甚至稱「自己收兩點，大把時間」。
而該影片長約1分鐘，可見巴士停在元朗警署附近，司機站在車頭位置並拒絕開門。帖主批評：「你為咗一個乘客，阻住成車人。佢又冇攻擊你，又冇講粗口。」片段內亦聽到涉事女乘客埋怨：「叫佢唔好關門，畀我落車，佢唔畀我落車。」再擾攘約10分鐘後，另一名九巴司機到場，才把車門打開讓乘客離開。帖主仍難掩不滿，直斥：「好彩唔係返工返學時間，司機咁樣會唔會太過分？」
九巴呼籲乘客讓車長專注駕駛
九巴回覆傳媒表示，事發於星期日（1月18日）晚上約7時，涉事 268C 巴士上有乘客疑因錯過下車站而「妨礙車長駕駛」。車長基於安全理由，在青山公路—元朗段康樂路巴士站停車並報警求助，其間安排乘客暫留車上等待。其後車務督察到場，協助乘客轉乘其他路線繼續行程。
九巴補充，已對車長作出訓示，提醒其正確處理突發事件的程序；同時呼籲乘客讓車長專注駕駛，不應以任何方式影響或騷擾車長。