旺角港鐵站再上演「素人MMA」。一段短片近日在網上流傳，一名阿伯與一名穿白色外套的中年男子，於月台升降機位置由口角升級到動手，氣氛一度緊張。
攜眷大戰阿伯VS中佬
據影片所見，兩名男子不知因何事爆發口角，繼而互相上前、有手部動作及拉扯。現場未見職員介入，周遭乘客一臉錯愕。其後，所幸雙方的另一半及時出手拉開，衝突未再擴大，影片到此結束，但全城留言區，立即「打到飛起」。
網民精警留言：兩個女人最清醒
留言場面就如迷你公審，像一邊叫好兩位女伴的冷靜，一邊嘲諷兩名男主角的「火遮眼」，「兩個女人最清醒，一個驚老公打死人，一個驚老公比人打死。」、「如果真係堅打，一個坐牢，一個瓜咗，2個守寡。」、「冇兩個女人喺度應該開咗片——香港人只覺得：咪阻住地球轉，嘈就死埋一邊嘈啦。」、「香港真係禮貌之都，為咗讓對方行先，咁激動。」、「唯一一次，兩條囡都做到嘢，分開到兩個男人。」、「香港人嘅精神健康問題令人擔心。」、「阿伯都抽唔贏，仲要攞尾彩。」。